Anke Nissen
Toxisch Planten


Na Folg 1, Folg 2, Folg 3, Folg 4, Folg 5, Folg 7 , Folg 8, Folg 9 , Folg 10, Folg 11, Folg 12, Folg 13, Folg 14, Folg 15


Bilsenkruut (Dulldill, Hyocyamus niger)

Besünners giftig: de Samen, de Bläder un de Wörteln, also de ganze Plant
Gift: Atropin
Symptome:

  • jüst so as bi't Vergiften mit Tollkirsche
  • Jümmers enen Arzt halen!

Symptome, de besünners upfallen:

  • Wiede Pupillen
  • hitte, rode Huut un Fever
  • dröög Sliemhuut
  • Puls geiht to gau

Dorto kaamt Symptome as:

  • Unruh
  • Bang wesen, Angst
  • Krämpfe
  • Hart kümmt ut'n Rhythmus
  • Atem warrt swoor un lahm
  • dat geiht bet dorhen, dat dat Hart uphöllt to slagen un de Minsch starvt.

Eerst Hölp:

  • Den Kranken to'n Erbreken bringen, man blots denn, wenn he keen Krämpfe hett
  • Kolle Ümslääg gegen de Hitten un gegen dat Fever
  • Arzt halen!

Bilsenkruut wasst geern up Schuttplätze. Uns Enkeldeerns un ik hebbt al mal Bilsenkruut funnen, ok in den schönen botanischen Goorn in Stolpe. Dor steiht dat Bilsenkruut tohoop mit siene Verwandten de Tollkirsche un den Stechapfel.

Mit Bilsenkruut mutt de Minsch vörsichtig sien. De nedderdüütsch Naam "Dulldill" seggt dat: Dor kann de Minsch "dull" vun warrn. Alleen vun dat Rüken kann een al tüdelig warrn!

In ganz olle Tieden hett man Bilsenkruut as Gift för Piele bruukt, dat een sien Fienden mit Giftpielen ümbringen.
In't Mittelöller höör Bilsenkruut to de "Rausch-Drogen". De Namen Tollkraut, Tolldill, Verrenkkraut för Bilsenkruut wiest dorup hen, jüst so as Dullbillerkruut, Dulldill, Dulldillen, Dulldillsoot, Irrwurzel, Rasewurzel.

Ok in de Kloostergoorns hett dat dit hoochgiftig Kruut geven, denn Gift-Planten sünd ja oft ok Heilplanten. Un in de Volksmedizin speel Bilsenkruut al jümmers ene grote Rull.

Man as ik al seggt heff: Mit Bilsenkruut mutt de Minsch vörsichtig sien!


Bild: Ludgerd Lüske

Rittersporn (Delphinium)


Foto: Anke Nissen

Gift: Alkaloide / Delphinin
Besünners giftig: Samen un Bläder
Symptome:

  • Magenpien mit Dörchfall
  • Störung un Behinnern bi't Bewegen
  • De Minsch warrt nervös
  • De Herzmuskulatur warrt angrepen
  • De Huut warrt reizt

Vele Rittersporn-Orten hebbt giftig Alkaloide in all ehre Plantendele. Disse Alkaloide ähnelt de vun'n Eisenhoot, ehr Giftwirken bi unsen Rittersporn is aver nich ganz so dull. An'n giftigsten sünd de Ritterspornsorten: Garten-Rittersporn un Hohe Rittersporn. Huushalte, in de Kinner leevt, sullen disse Planten lever nich in'n Goorn planten.

Ok för Deerten is de Plant giftig, so för Peer, för Köh, för Hunnen un Katten, för Nager as Hasen, Kaninken, Hamster un Meerswien un ok för Vagels.
Bi Köh un lütter Deerten kann't to'n Dood dörch Atemlähmen kamen.


25.7.2021


na baven