Anke Nissen
Toxisch Planten

Na Folg 1, Folg 2, Folg 3, Folg 4, Folg 5, Folg 6, Folg 7, Folg 8, Folg 9, Folg 10, Folg 12, Folg 13, Folg 14, Folg 15

Wiehnachtssteern (Euphorbia pulcherrima)

• Giftig Bestanddeel: de Melksaft in de Stengels
• Symptome:
  • Reizung vun de Huut
  • Övelsien
  • Buukpien
• Eerst Hölp:
  • veel drinken
  • Wenn een mehr vun den Plantensaft innahmen hett, Kohletabletten nehmen
  • na'n Dokter gahn.

De prachtvullen "Blöden", för de wi den Wiehnachtssteern leevt, sünd eentlich bloots Hoochbläder vun annere Farv, keen richtige Blööt. Uns Wiehnachtssteern höört to de Wolfsmilchgewächse, vun de vele solk Milchsaft in de Stengels bildt. Fröher woor de Milchsaft as töverkräftig ansehn un för Hexenwark bruukt.

De Melksaft vun'n Wiehnachtssteern kümmt bloots vörtüüg, wenn een de Stengels ansniedt. He is ok bloots licht giftig, veel minner, as een fröher dacht hett. En opwussen Minschen maakt de Kontakt mit den Saft nix ut, avers lütte Kinner orr ok lütte Deerten sünd veel empfindlicher un köönt Vergiftenssymptome wiesen. Dorwegen schulln Kinner orr Deerten mit de Plantendelen nich rümspelen orr se eten.

Tabak (Nicotiana tabacum)

• Gift: Nikotin (en Alkaloid)
• Symptome:
  • Koppwehdaag,
  • Övelsien
  • Erbreken,
  • Diarrhöe
  • Zittern
  • Krämpfe
  • in swore Fälle: Atemlähmung bet hen to'n Stillstahn vun't Hart
• Eerst Hölp:
  • Den Kranken to'n Erbreken bringen
  • Medizinisch Kohle geven, tohoop mit Afführmittel (Natriumsulfat)
  • för frische Luft sorgen

   

Tabak warrt ok hüüt noch in't Süüd vun Düütschland anbuut, aver nich mehr veel. Meist 30% vun all Düütsche sünd Smökers. De ganze Tabak wasst aver in wärmere Länner, tomehrst wohraftig in China. Dat gifft hüüt woll nix, wat nich ut China kümmt.

Wi kennt Nikotin as den anregen Stoff, na den de Smökers süchtig warrt. Aver in den Rook vun Tabak is weniger Gift in as in dat Blatt sülvst, un Nikotin, wenn't oral upnahmen warrt, is denn veel giftiger, as wenn man dat inhaleert. En Zigarr, statts se to smöken, optoeten — dat kann den Smöker glatt ümbringen.

Besünners gefährlich is Nikotin för lütte Kinner. Al en lütt Stück Zigarette (so etwa 1/3) lööst Vergiften ut, ene ganze Zigarette kann al den Dood bringen. Dorüm sullen ok de Aschenbeker jümmers leer sien, wenn Kinner in de Nehgde sünd.