Dei OSIRIS-Rex-Materiaol-Kapsel is aopen van Ludgerd Lüske Süh ok hier: "Dreck ist Materie am falschen Ort", dat Zitat schall van Brecht oder Tucholsky oder Mary Douglas stammen. In dei Kapsel van dei Osiris-Rex-Sonde sünd ca. 250 g Dreck van ein wied entfernte Stäe, dei hier aver kein bäten as Dreck behannelt warrt: Sei sünd welk van dei weltwied kostborsten Dreck-Substanzen. Up 60 Gramm harr man tauminnst hööpt, 250 g sünd ein grote Erfolg, un liekers blifft elk Gramm weertvull.
Hier is dei Kapsel an ehr Landestäe tau sehen. Sei was an'n 24. September mustergüllig in dei Wööst van Utah landet, as dat plaont weer. Dei NASA-Forschkers fünnen schwarten Stoff un einen Bült van braoken Steinkraom up dei Elektronik-Plaoten in den Wätenschkup-Kanister, at man den Deckel affnöhm. Den Kanister in dei OSIRIS-Rex-Materiaol-Kapsel bröchde man an'n 25. September nao dat Johnson Weltruum-Zentrum in Houston.
Dat Johnson-Zentrum spiekert dei weltwiet gröttste Sammlung van Astro-Materiaolien. Dor schäöllt dei Experten den komplizeierten Apparaot tau dei Materiaol-Upnaohme uteinanner nähmen. Blots so kaomt sei an dei dor binnen liggen Materiaolprobe ran. Dit Wark maokt man in ein neiet Labor, dat man extrao för dei OSIRIS-REx-Mission bawde. Den Aluminium-Deckel nöhm man in einen Handschken-Kassen aff. So kann man mit dat groote Kapseldeil bäter arbeiten.
Ein C-17 Globemaster-Fleiger mit den Wätenschup-Kanister an Bord häwt an'n Maondag, den 25. September 2023, van dat Utah Militär-Feld aff. Dei C-17 is ünnerwägens nao dat Johnson Welt-Ruum Zentrum van dei NASA in Houston, Texas.
Ein Schipp-Container mit den Materiaol-Kanister mit dat Materiaol van den Asteroid Bennu ist an Bord van einen C-17-Fleiger van dei US-Luft-Striet-Macht fasteschnallt.
Wenn dei Proben-Upnähmer ut den Kanister rutnaohmen is, kummp
hei in einen affschlaoten Transport-Kassen. So hollt dor man eine
Stickstoff-Atmosphäre för bold 2 Stünnen ümmetau.
So hätt dei Mannschkup naug Tied för ein Ümmesetten
in einen anneren grötteren Handschken-Kassen. Dei Probe legg
man mit groote Nauigkeit frei, dat man kienen Kontakt mit dat binnen
liggen Bennu-Materiaol krigg. Dit is dei neie OSIRIS-Rex Proben-Reinruum in dat Johnson Weltruum-Zentrum van dei NASA in Houston. Dat Bild knipsde man an'n 22. Juni 2023.
Woans dei Reinruum warket, wiest dit Bild dei grote Momang: Levi Hanish un Michael Kaye, Uphaol-Spezialisten van Lockheed Martin, nähmt den Deckel van den Materiaol-Kassen aff. Dei Gummihanschen wieset nu in dat Binnere van den Ruum.
Väle Forschkers un Ingenieure warket an dat Johnson-Zentrum bi dat Uteinanner-Nähmen tausaome. Dornao willt sei dat Bennu-Materiaol dei Welt in ein NASA-Live-Äöwerdrägen an'n 11. Oktober vörstellen.
Originaol-Artikel: OSIRIS-REx-Mission |
Südollnborger Platt: Ludgerd Lüske 29.09.2023 |