Dörch den Vergliek verstah ik eerst!

C.D.Friedrich, digitaal namaalt vun Ludgerd Lüske.
Mit en Inföhren vun Rudi Witzke


"Wo oft ward dat, wat du verstahn, dörch den Vergliek noch klorer."
Gogol

De Mönk an de Grote See. Vun C.D.FriedrichDe Mönk an de Grote See. Digitaalbild vun Ludgerd Lüske

Hüüt willn wi maal uns Besökers to't Mitdoon bringen.
Se schallen verglieken: Een uns all bekanntes Bild vun Caspar David Friedrich "De Mönk an dat Grote Water" un Ludgerd Lüskes Bild vun den sülvigen Mönk, digitaal mit dat Programm Corel Draw namaalt.

Wat passeert egenlich bi dat Verglieken?
Wat maakt dat Oog, de Nees, dat Ohr bi't Verglieken?
Woans kriggt een Ünnerscheide mit?
Wat ward in de Hauptsaak vergleken? Form orrer Farv orrer….
Woans ward een bi twee Biller de Ünnerscheide wies?
Welk Deel vun unsen Bregen vergliekt? De digitaal-analytsch? De analog-ganzheetliche?
Spelen vergahn Tieden en Rull bi't Verglieken? Erinnern? Dat Weten? De Erfahrung, Belevnisse?
Sünd Verglieken un Beurdeilen un För-Weert-Hollen datsülve?
Liernt een bi dat Verglieken wat to?

Ik weet, dat elkeen weit, wat Verglieken is, un liekers ward seker elkeen dat anners maken.

Bi uns Upgaav geiht dat licht to: Twee Biller schallen mit eenanner vergleken warden. Se kriegen de enkelten Biller een Tiet to seihn, denn kümmt dat anner.
Seker warden de mehrsten vun uns toeerst de ganzen Biller verglieken.
Un bi dat Verglieken kümmt bi rut, wat de een un anner lever mag. Begrünnen mutt een dat nich.

Se bruukt Java, de groten Biller to sehn. Dat is hier to'n Downloaden!.

Denn warden woll enkelte Deile vun de Biller vergleken:

  • De Hevens bi Caspar David Friedrich un de Heven vun Ludgerd Lüske.
  • De Kimm in dat een Bild un in dat anner.
  • De Sandstrand bi Caspar David Friedrich un de Strand bi Ludgerd Lüske.
  • De Mönk bi den eenen un bi den annern.

Dat geiht nu jümmer so wieder. Elkeen hett sien Reigenfolg.

Denn kaamt to'n Sluß de sworen Fragen: Wat för een Bott hett dat Bild vun Caspar David Friedrich un wat för een dat vun Ludgerd Lüske?
Welk Bott kümmt bi mi an?

Un wenn een denn Tiet hett, denn vergliekt een de beiden Biller noch maal un schrifft sik villicht Stickwöör up.

Herr Lüske, Caspar David Friedrich un wi Lüüd vun de "Lütte Redakschoon" wöörn sik freugen, wenn een uns schrieven wöör, wat bi sien Verglieken rutkamen is. Schickt Se mi eenfach en lütte Mail — dorto klickt Se hier.

Rudi Witzke



trüch


na baven


na't Flack

na de Startsiet