Speel-Platz-Kuntrull

vun Rudi Witzke


„Kinder sind unsere Zukunft! Wir fordern für jedes Kind einen KiTa-Platz, einen Platz im Kindergarten und flächendeckend Ganztagsschulen. Mehr Geld und bessere Gesundheitsbedingungen! Dafür streiken wir schon 5 Wochen.“


1938 Speelplatzkuntrull in Lütten Corshagen

Lieköllrige ut en Dörp 1938 stellt sik mit ehre „Rennwagens“ to Paraad up. Ole Rööd vun’n Drahtesels un ole Kinnerwagens, een hannig in en bestimmte Wies bögte Draht, trecht weer de Rennwagen. Wenn een nau henkickt, hebbt nich all enen.

Dor müßt noch wat för den Utbuu vun den „Kinnerspeelplatz“ doon warden. Dat bedüüdt, wi müßten na de Müllschkipp von Stralsund in Lütten Kehdingshagen un rümmerpückern, wat wi för uns Maten ok noch en Rad finn’n daun. Maakt wi!

Villicht aver kümmt wedder wat dortwüschen. De Sandweg ist so schöön mullig. Willn wi wedder en Kuhl maken? Villicht versöcht Becker Sand doch noch maal na Lütten Cordshagen to kamen. Wi schuven em ok döch uns Sandkuhl. — Richtig, wi wulln ja för uns Maten na Rööd söken. Dat maakt wi denn.


Kinnerspeelplatz 2009. Bild: kawu/Wikimedia Commons

Null-Bock! Was guckst du, bin isch Kino? Gruscheln? Digga? Lollig? Mumien schieben! Komasaufen! – De Welt vun uns Kinner un Junglüüd hüüt! Wi verstahn se nich!

Dat bringt de Öllern denn doch tosamen. Se laten sik beraden. Püschologen, Arschitekten kamen. Woans köönt wi uns Kinner helpen?

Wat köönt de Öllern un Börger vun een Dörp stolt sien: Se harrn € 10.000 sammelt un de ierste Eck vun een Kinnenspeelplatz buut. Nu fehlten bloots noch de Rest un de Kinner un bestimmt Dusende vun lieke Steden för uns Kinner. All püschologisch-pädagogisch dörchdacht. Un hügenisch! Denn so warden de Junglüüd so ästheeetsch upwassen as uns Speelplatz utsüht. Hett ja ok de best Arschiteckt plaant. Ja woll!


26.7.2009


na baven