Bald is dat woller mol so wiet
mit de schöne Spargeltiet.
Up den Spargel frei ick mi,
man dor is uck Arbeit bi.

De mag ick nich geern maken,
dat geiht so up de Knaken.
Bi dat Spargelsteken
will ick mien Krüz nich breken.

As Spargeleter bin ick beter.
He schmeckt mi lang un rund
un is uck so gesund.

De Arbeit bin ick nich gewohnt,
wiel se sick för mi nich lohnt.
Doför sünd Lüer ut Utland dor,
de fallt de Arbeit nich so schwor.
De sünd arbeitswilliger,
so blifft de Spargel billiger.