Op Platt gegen Rechts an

vun Meike Balzer-Fraun

Wat'n Beleevnis weer de Demonstratschoon "Laut gegen Rechts" in Bremen!
Op'n Domshof schull dat sien, man all de Straten ümto, de Markt, de Liebfrauenkirchhof, allens proppenvull Minschen.

Groot un lütt, oolt un jung, Fruuns, Mannslüüd un Kinner in jeedeen Öller. Alltohoop fründlich, nadenkern, man ok jichtenswo vergnöögt, bald en festliche Luun, as de Fredensglock vun'n Doom lüüd. Denn aver ok wedder luut, as dat anseggt un nödig weer.

Woller to Huus kreeg ik dit schöne Bild op mien Handy:

En Fru ut mien Plattkrink harr dat maakt, un et hett mi düchtig anröögt.

"Anner Lü sünd ok Lü!" schreev een.
Hella hett dit Pappschild sehn
neeg de Treppen vun'n Doom.
Bi de Demonstratschoon
mit 50000 Lü in Bremen.

Wo mächtig is doch uns Plattdüütsch! Ahn veel Wöör kannst bannig veel seggen.
Kort, eenfach, glaskloor: "Anner Lü sünd ok Lü!"