Maat Jan ut BremenMaat Jan:

Geister, de kineen röppt
De CSU drept sik wedder in Kreuth — vör 1 Johr hebbt's hier Stoiber afsett. Rückblick op dat verflixte Johr 2007 bi de CSU un annerwegens


Swore Tieden hebt wi all mol dörmokt, un verleden Johr gell dat besünners för de CSU. Wat weer dat för een Drama mit eern Chef Ede Stoiber, bit op'n letzten Moment harn se bangen müßt: Treckt he sick nu trög? Oder blievt he eenfach op sin Stohl sitten un kett sick womöglich an'n Schrievdisch, as de Demonstranten gegen de Castor-Transporte dat vörmokt hebbt? Ober denn hett sick doch noch en geriatrisch erfohrene Inrichtung för em funnen: De EU! Nor den olden Motto "Schick din Opa nor Europa!" kriggt he nu en Beschäftigungstherapie in Brüssel un draf sick üm Bürokratieabbau kümmern.
Ach komm, den Stoiber kriggt wi da ok noch ünner!Dat he dor bannig wat vun versteiht, dat hebben dit Johr de Kinnergoorns in Bayern to spüren kregen: Dör dat nede Bayerische Kinderbildungsgesetz kriegt de Mitorbeiter dor nu Johr tör Johr so en Wust vun Vörschriften un Frogen to beantwurten, dat se för en ordentliche Kinnerbetreuung gor keen Tied mehr hebbt. Ober tominnst een Mol har Stoiber wat för'n Bürokratieabbau in Bayern don: mit sin Rücktritt!

Denn wullt Horst Seehofer sine Partei ok noch dwingen, so to don, as wäär se demokratisch. Ober de hett sick rächt: Vun den deepswatten Dreck, de up em smeten worn is, kunn he sick nu inne Spree rienwaschen. De Isar is ok so al modderig nooch. De Fru Pauli hett ok al dormit rekent un har sick dorum al lange Gummihandschen antrocken. Ober so veel het se denn doch nich afkregen. Wohrschienlich harr se in de CSU al Narrenfreeheet. Dat hett ehr nich langt, nu hett se sik ok vun de CSU free maakt.

Nix as Transrapid in'n Kopp!Stoiber hett ok noch sine Rache kregen: Op de letzten Daag vun sine Regerung hett he fix noch den Transrapid för München klar mokt. Dor kann sick sin Nachfolger nu över argern. Nich mol de CSU München wull em bitherto hebben. Ober denn hett de en neden Breef an de Presse schickt, un de is gediegen: "Du hest ok bit vor Körten vun Leedve snackt!", heet dat dorin, un "Vellicht denkst du noch Mol över dine Geföhle nor."
Wat heet dat nu? Föhlt sick de CSU vun de Presseschrievers nich mehr leevt? Oder vun eern Ede? Oder de vun de CSU? Har sick op End doch nor een in'n Transrapid verleevt?

Ick glöv, mit Stoiber har de Brief nix to don. Un dat is ok kin "Versehen", as de CSU gau vermellen dä. De Antwurt geiht noch deeper trög: Günther Beckstein wull nämlich as need Ministerpräsident de Büste vun Franz En Geist?Josef Strauß ut sin Büro entfernen. Un dar het Strauß fix een Breef ut'n Jenseits schickt, wa em sin Günther sowat andon kunn. Un disse Breef is ut Versehen anne Presse gohn.

Ober Beckstein wull hart blieven. As Protestant, seggt he, is em jede Personenkult fremd. Övrigens wull he ok unbedingt en Audienz bi'n Papst in Rom kriegen. So wiet is dat mit sin Protestantentum wohl ok nich her. De König möt nor jümmers vun'n Papst salvt warrn. Vellicht kunn de em ok verroten, wosaken he den knödderigen Geist vun Strauß wedder utdrieven kunn. In BrüsselOlenheim Brüssel is wiss noch Platz.

Erwin Huber, de nede Parteichef, wull sine Strauß-Büste behollen. He har jümmers de besten Ideen, seggt he, wenn Strauß em över de Schulter kiekt. Un wieldat Strauß nu al veele Johr dot is, sünd ok bi Huber de goden Ideen jüs so lang al utbleven. Een schall egentlich erwarten, dat de em bi'n Transrapid op de Finger haut. Denn wat een över Strauß ok seggt (stimmt alns!): Mit Geld har he jümmers umgohn kunnt.

Nu weet wi ok, worum Markus Söder Europaminister worn is: De EU wer jo för em bither sowat as de Ersatzhölle — allns Slechte, wat nich ut Berlin kummt, kummt von dor. Ober in dissen Job kunn he af un to mol nor Brüssel fohrn. So fallt em de Trennung vun Stoiber nich allto schwor. Ohne sin Ede fehlt em nich bloß sine besten Ideen, dor fallt em gor nix mehr in. Mag ween, dat wer ok beter so.

Ok annerswo is so en Art Geisterbeschwörung grod in Mode: De DAHW (översett: Dütschet Aussätzigen(!Hier sitt ik gegen Armut)hilfswerk, seggt een ober nich) hett an 17.10. de Aktion "Stand up and speak out — din Stimm gegen Armut" organiseert. Un dat geiht so: Överall, tohus, in de School, bi de Orbeit, op Amt un in'n Krog, schallen de Lüüd sick op'n Boden setten. Denn wart en "Erklärung gegen Armut" vörlest. Denn tellt all tohop vun 10 runner op Null un denn draft se wedder upstohn.

Ick weet jo nich, of dat in jede Berliner Hauptschule funktioneert hett (un of alle wedder lebennig opstohn sünd) un wa de Lüüd in'n Beerzelt op'n Oktoberfest reagert hebbt. Ober dat de Aktion bannig wat helpt, dat weet ick wiss.

Dat is wohl de klögste Aktion siet "Live Earth": en Rockfestival, wo grode Stars op grode Bühnen mit noch grodere Sound- un Lightshow massig Energie versludert — un dat allns för'n Klimaschutz! Dorgegen is use Kanzlerin mit ehre Flegerie üm de Welt noch sporsam. Meent Ehr

Maat Jan



na baven