Maat Jan ut BremenMaat Jan dreept

Christen ünner sick


 

Wat is dat nu wedder för een Schandaal ween mit de Tour de France! Jüs heb ick noch klor stellt, dat en olen Fahrensmann keen Doping brukt, un nu givt al een neen Skandal. De amerikanische Sieger is bi'n Doping mit Testosteron erwischt worn — un meent, dat wär bi em "normal", dat he bis unner den Fohrradhelm vull mit Hormone weer. Ick heb mi jümmers wunnert, worum de Rennräder so längliche Sättel hebt — nu kummt he un meent, dat weer gor nich de Sattel...

Allens dreiht sik üm de IndustrieUn wat is dat nu wedder för een Schandaal ween mit dissen Abgeordneten Röttgen vun de CDU. De is bisher Geschäftsführer vun sine Fraktion ween un wullt nu dat sölbe bi'n BDI warrn. In Bunnesdag wull he ober wieter sitten. Dat is also een heel fixen Kerl, flexibel is he ok un he hett realisiert, dat veele in Tokunft mehr as een Job hebben möt, üm över de Runden to komen. Klor, de Tendenz geiht to'n Tweetjob, as in USA un Skandinavien ok.

Ober denn meenten de Lüüd, dat geiht nich, wiel he de Vertreter vun sine Wähler ween schall. Dorbi, wat mokt denn een Vertreter? He verköfft! Un dNee, blind is he graad nich op een Oogenn drept sick dat doch moi, wenn he glieks bi sine Kunden (de Industrie) in Hus is, um sine Ware (Wähler) to verkopen.

Dat eenfachste wär jo, de dütschen Grotindustriellen trecken al üm in Röttgen sin Wahlkreis. Ober irgendwie harn de dat nich wullt, wo se doch sonst so gern vun "Mobilität" schnackt, tominnst wenn't üm Arbeitslose geiht. Un von Monaco nor Nordrhein-Westfalen, sooo wiet wär dat jo nu ok nich.

Ick glööv, dat beste wär nu, as so foken in de Industrie, een Fusion. CDU, CSU un BDI kunnen ehr Tüg tohop smieten, Synergieeffekte realisieren (wat immer dat ok heet) un von nu an weer ok den letzten Dödel in Dütschland klor, wecke Interessen de heele Vereen jümmers al vertreten har. Ick heb ok al 'n rechten Nomen dorför: C-BID. Dat spreckt sick Ze-bitt ut, as de Computermesse, klingt heel modern un kompliziert. Un steiht för: Christlicher Bund Industrieller Demokraten. 'tschulligung för dat harte Wort "Demokraten".

Papst BenniEen Fusion wär ok in annere Strietereen dat eenzig Kloge. Ton Bispeel de Karken. Siet bald fievhunnert Johr gifft dat Krawall mit de Kathoolschen un de Evangeelen. Dorbi wull de Papst dat gor nich. He het jüs wedder seggt, dat doch de Minschen al Bröder weern un jedeen de annern sin Globen respektieren schall. Een poor Dog fröher har he ober mit groden Pomp en "Johr der Konversion" utropen, dormit so veel Minschen as möglich to'n kathoolschen Globen övertreten. Denn vör Gott sünd de Minschen twoors all gliek, ober de, de Karkenstüür betohlt, sünd jümmers noch een beten glieker.

Un von "Missbrauch" har he schnackt, ober dit Mol nich över dat, wat de Priester mit ehre Ministranten mokt. Nee, över'n hilligen Franz vun Assisi. De ward ok "missbruukt", un twoors vun de ganzen "Pazifisten" un De Hillgenschien is dat Copyright -- oder annersrüm"Umweltschützer". Dorbi harn doch he — de Papst — un sine Kark jümmers dat alleen selig mokende Copyright över eere Hilligen! Vellicht har he Angst, dat em sülbs op End noch een för'n "Pazifisten" hollen deit. Dor kunn ick em beruhigen.

En heel kloke Idee har he ok för sine Preester. De schallen junge Poore, de heiraten wulln, veel better beroten un opklären över de Probleme, de för Ehepoore so in't däägliche Leven tosomen optreten kunnen. Dorin is so'n zölibatären Preester jo ok de gröttste Fachmann, den een finnen kunn.
Ober denn schall de Preester sick eben bi de Poore in sin Gemeende informeeren. Wenn he denn Dag för Dag vun schriende Babies, quengelnde Kinners un anner Eheprobleme de Ohren vull kriggt, ward he op End noch froh över sin Zölibat, meent de Papst.

In dissen Sinn: Ward fruchtbor un vermehrt jo — ober up eegene Kosten.

Good sproken, Benedictus!, seggt

Maat Jan



na baven