Maat Jan ut BremenMaat Jan sleit vör:

Gerd för Klinsi!


Nu is dat so wiet: De Football-WM hett anfungen un de Narrheet nimmt ehren Loop, wi Dütschen mittenmang dorbi. De Frog is bloß: Wo lang no?

De een oder anner "grote Sieg" schall us nich bedrögen: Mit disse "Klinsmänners" is nech veel in de Welt to winnen. Gegen de Kolumbianer 3:0, god, man de hebt ok speelt, as ob se kort vör'n Anpfiff noch een Nees vull von ehren gröttsten Exportartikel nahmen hebbt. Un ick meen nich de Bananen. Un dat 4:2 Un wi winnt doch! -- Denkste!gegen Costa Rica, jo, dor bin ich froh, dat ick to See föhrt bin, anners weet een jo nich mol, woneem dat liggt.
No wart dat ober fix ernst un wi kriegt reelle Gegner. Dorum stellt sick nu al de Frog: Wohenn mit Klinsi nor de WM? Ick meen: So een as he hört in de Politik. Dynamisch, jung, erfolglos as he is un vör allem jümmerto bannig optimistisch. Un schnacken kunn he — wenn ick so seggen draf — as en Weltmeister. Bi sine Erfahrung mit hoffnungslose Fälle kunn he glieks de nächste dütsche Traditionsmannschaft öbernehmen, de ok nix mehr op de Reeg krigt: De SPD!
Denn kunnen de Genossen endlich vertikal dörstarten, dat Parteiprogramm 100% afropen, en offensive Philosophie op'n Platz ümsetten un vör allen: nor de Wahl wedderkummen.

Dat bringt us al to de nächste Frog: Wekeen kunn achter em Bunnestrainer wern? Wenn dat nor de DFB-Bosse geiht, möt dat woll ehr "Sportdirektor" wern: Mathias Sammer. Dat möt wi natörlich op jeden Fall verhinnern. Ick wet ok al een Kandidaten mit bannig Führungserfahrung, de jüs sNa, Gerd, du ole Footballnees?o god schnacken kunn as Klinsi un mit sin heelet Benehmen wunnerbor op een Footballplatz passen deit: Gerhard Schröder, wekeen anners?!
Schröder as Trainer un Mayer-Vorfelder (de weer jo mol CDU-Minister) as Präsident: Dat is de rot-blonde grode Koalition ut badischen Wien un Dortmunder Bier.

Schröder is en utfuchsten Experte för Football. Dat weer he in sine Kanzlertied al: Egal ob dat Dortmund, Hannover oder Berlin weer, he weer jümmers Fan vun de Mannschaft, de jüs wunnen het. Dat wiest doch, dat he wat von Fotball verstunn! Klor is ok, dat bi eene reguläre Wahl 2006 de WM dat eenzige west wär, wat em as Kanzler retten kunn — wenn Dütschland Weltmeester worn wär. Dat he disse Hoffnung al fröh opgeven hett, wiest, dat he al fröh markt hett, dat mit den dütschen Fotball ok nich mehr los is as mit sine Partei. Un vör allen Dingen har he al lang dat eene, wat de dütsche Mannschaft nu nötiger brukt as en Schipp de See: Eene Agenda 2010!!

Allns in Griep op dat ünnergohn Schipp!

Maat Jan



na baven