Dei lütten Ös

vun Behrend Böckmann


Bi Corona blifft taun Pech
männig Minsch dei Luft gau wech;
nicks tau schmecken, nicks tau rüken
kennt hei nich von anner Süken,
doch dei plietsche Börger weit,
dat 'n Sprütt em helpen deit,
dat all dees Ös so bannig lütt
is bitaukåmen mit 'n Sprütt.

Inseihn un dei nödig Maut,
dat 'n Sprütt is würklich gaut,
dat dei Pieks wür oft all gäben,
dat dei Minsch åhn Sük kann läben;
nödig wier up jeden Fall
disse Insicht œwerall,
denn disse Ös so bannig lütt
is bitaukåmen mit 'n Sprütt.

Größing in ehr Ollenhus
läwt dor as 'n grise Mus.
Giern hett sei dei Sprütten nåhmen,
denn Besäuk süll tau ehr kåmen.
Un sei kann ok nich verståhn,
gägen't Sprütten antaugåhn,
denn disse Ös so bannig lütt
lecht man't Handwark mit 'n Sprütt.

Un dor Größing mailen kann,
mailt sei uns noch achteran:
Ik holl nich väl von't Püstern,
ik låt mi leiwers "büüstern"!


25.12.2021


na baven