De politischen Zombies

To Halloween sünd Meuchler-Horden
op Kriegspadd! Se wüllt Heuchler morden,
de alltieds bloots üm Hannel weet
un nich, wat Klimawannel heet.
Vun Zombies warrt de Laxen faat,
verjaxt, dat se de Faxen laat
un, staats bloots jümmers klook to sabbeln,
anfangt, sik üm de Sook to kabbeln.
Welk Zombies gaht en beten wied,
ahn dat ehr dat Geweten biet:
Se öövt, sik för de Kamp to drillen,
un plaant, sogor den Trump to killen.

De bringt ehr heel un deel in Woot,
un Zombies hebbt ja Weel in'n Doot.

Ik mag ehr. Se hebbt slechten Rook,
man sünst sünd se vun'n rechten Sloog.
Ik kann mi, schoonst se stanken, frein.
Dat meent ok Dokter Frankenstein.

Moinmoin, leve plattdüütsche Maten un Frünnen,

in den halfgaren Schüddelriemel baven sünd masse "unreine" Schüddelriemels binn -- bi "klook to sabbeln" fehlt in'n Schüddelriemel en l, bi Trump is dat D to en T worrn, un "Sloog" geiht eentlich gor nich -- mennigmaal kann ik dat even nich so fein maken, avers de Zombies is dat egaal! :-)

Ja, wat schall'k seggen, de Nevelmaand is wedder dor, un mit em de nedderdüütsche Bökermess in Hamborg, de gistern totaal vull weer -- en schöne Anblick. Avends harr ik reinweg Möhg, wedder en hoochdüütschen Satz op de Reeg to kriegen, so veel heff ik Platt snackt! Ok en poor Plattpartu-Lesers hebbt mi ansnackt, dat hett mi freut.

Op Plattpartu sülven is dat Natuurnotizbook nochmal ganz vull, wat sachs mit den milden Oktober to doon hett. Ansünsten fleegt bi dat Natuur-Flack de wunnerschönen Bläulinge un twee sünnerliche Ruumfohrtüüg: Mascot, de Asteroiden-Lander, de sik mit Hoppsen bewegen kann; un BepiColombo, de Merkur-Sonde, de nu start't is un in söben Johr üm den Merkur suusen schall. Mächtig wat los in'e Ruumfohrt!

De Oktobermaand warrt ja vun twee grote Feste infaat: Aarndank un Reformaschoonsdag (un Halloween). Bi De Welt un Gott wiest sik dat wedder in intressante Bidrääg, ok en lierlütt Radel is dorbi. In de Radioandachten snackt Peter Kossen mit Macht vun Gerechtigkeit un Freden; dat is en Freud. Silke Frakstein un Henning Eggers erinnert an heel eernste Tieden un wo Kinner dat licht nahmen hebbt. Gisela Reink erinnert sik an ehrn Elphi-Besöök, uns Maanden-Notizen ok bloots an den verleden Märzmaand, Jutta Lammèr hett in ehr Oogenblicks-Notizen Arger mit Aavt un Grööntüüch, un en lütte CD vun Mire Buthmann warrt ok bespraken. Un ok sünst noch düt un dat. Smökert Se man schöön -- wenn Se Ehrn Lesestoff vun de Bökermess verbruukt hebbt! ;-) Wenn wi uns hier wedder leest, is al Advent...


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Mien Gott... CD-Kritik vun Marlou Lessing    (27.10.)
Notizen ut'n Märzmaand. Fotos un Verse vun Marlou Lessing    (4.10.)


De Welt un Gott:

Reformationsdag 2018: Wat blifft vun't Lutherjohr? Vun Hans-Eberhard Schulz    (31.10.)
Reformationsdag 2018: Vun de Frieheit un Christsien. Vun Rudi Witzke    (30.10.)
Mit'n Bessen in'n Rinnsteen vun'e Straat. Vun Henning Eggers    (27.10.)
Dat kannst mi glöven: Kien Freer oahne Gerechtigkeit! Vun Peter Kossen, mit Spraakopnahm    (27.10.)
Nu is se hin. Vun Silke Frakstein    (22.10.)
Dat kannst mi glöven: Säuk Freer! Vun Peter Kossen, mit Spraakopnahm    (21.10.)
De Etymologie. Vun Wolfhard Sauerbrey    (21.10.)
Dat kannst mi glöven: Gauet Ackerland. Vun Roswitha Osterbrink, mit Spraakopnahm    (14.10.)
Na denn Prost! Vun Heinz Tiekötter    (13.10.)
Choral to Aarndank: Nu singt tohopen Ehr un Dank. Översetten vun Marlou Lessing    (7.10.)
Dat kannst mi glöven
: Tausaome hörn. Vun Roswitha Osterbrink, mit Spraakopnahm    (7.10.)

In't Erinnern-Notizbook:

    De Kirchenmuus vun St. Marien. Vun Anke Nissen    (16.10.)

In't lütte Gebeedbook:

    Sötes orr Sures? Twee Thesen to Halloween. Vun Marlou Lessing    (31.10.)


Natuur un Wetenschap:

Merkur-Mission: Ümloop-Sonde "BepiColombo". Vun Ludgerd Lüske    (31.10.)
Asteroidenkieker MASCOT is up Ryugu landet. Vun Ludgerd Lüske    (13.10.)
Bottervageljohr 2018: De Bläuling. Vun Thomas Seemann un Marlou Lessing    (4.10.)

In't aktuelle Natuurnotizbook:

    "Parker Solar Probe" knackt Rekorde. Vun Marlou Lessing    (31.10.)
    Hein Stiekelschwien sien Winterquarteer. Vun Ewald Eden    (28.10.)
    De Vagelbeerboom. Vun Anke Nissen    (21.10.)
    Sünnopgangs-Regenbagen. Vun Marlou Lessing    (16.10.)
    Wokeen is dat denn? Vun Anke Nissen    (15.10.)
    Fischen op'n Drögen? Vun Marlou Lessing    (14.10.)
    Dahlien in Klütz. Vun Anke Nissen    (12.10.)


Wat in de Welt vörgeiht:

De Elphi -- ein Erläwnis. Vun Gisela Reink    (13.10.)

In Jutta Lammèrs Blog "Oogenblock mol":

    Tomaten op de Oogen?     (7.10.)
    Is allens Smackssaak!    (5.10)

In Ewald Edens Blog "Eden meent":

    Verloagen Welt    (26.10.)

... un dree niege Indrääg in Marlous plattdüütsch Notizbook.


För Kinner:

Aarndank-Radel för Kinner    (7.10.)


Niege Spraakopnahmen:

Kien Freer oahne Gerechtigkeit! Vun Peter Kossen    (27.10.)
Säuk Freer! Vun Peter Kossen    (21.10.)
Gauet Ackerland. Vun Roswitha Osterbrink    (14.10.)
Tausaome hörn. Vun Roswitha Osterbrink    (7.10.)



Hartlich grööt

Marlou Lessing un dat lütt Plattpartu-Team