"Hände hoch, Gurken her!"
Wenn de lege
Schurken-Gang
denkt, dat ik ehr Gurken schenk,
bitt ik se, sik kott to schamen
un denn in't Kaschott to kamen!
Dor schallt de Schurken Gurken schelln.
-- Dat müss för alle Schurken gelln!
Moinmoin, leve plattdüütsche Maten un Frünnen!
De Schüddelriemel baven hett twoors nich veel Sinn, avers de Hoochsommer is ja de Tied för Gurken as erfrischen Grööntüüch... och, wo kaam ik eentlich dorto, mi för mien Schüddelriemels to rechtfardigen?! Schüddelriemels sünd vun Natuur ut Nonsense, un dat is good so!!
De Sommer hett uns faat, un wi geneet em, ok wenn wi bi Plattpartu keen echte Paus maakt. Bloots de Radioandachten sünd in en korten Sommerslaap versunken, man uns Maten bi De Welt un Gott hebbt liekers noch veel to beden -- endlich mal wedder en Wunnerwark ut uns lose Mäkelborg-Reeg, de Freuden vun Kalligrafie, Unheimlichs un en egen Glovensbekennen; dorto den Raadslag, wat een staats Grog drinken kann, wenn dat to hitt warrt. (Tipp: Vun Water is nich de Reed.) Natüürlich is uns Natuurnotizbook vull, ok vun wunnerlich Saken; un dat gifft ok mal wedder en Plantenbeschrieven vun't Mutterkruut vun Anke Nissen. Ehr Heilkrüder weern ja ok en lang pleegte Reeg, de nu wat länger slapen hett. -- As Luftakrobatin vun'n Maand stellt sik de Hummel vör, en Deert to'n Staunen (dat sünd se all).
Ok sünst hebbt wi noch poor Besünnerheiten: glieks twee niege Bortsdagsleder in uns Flack för Riemels to'n Bruken; en Huldigung vun Addi Kahl an dat legendäre Wacken-Festival to sien dörtigsten Bortsdag; en Huldigung vun Karl-Heinz Nissen an, ja, sien lütt Auto; en feministisch Kampfleed (vun wokeen anners as mi kunn dat ween?) un natüürlich en hoochsommerlich Kinnermärken över de Glöhworms. Un noch düt un dat -- dor mööt Se sülven kieken!
Ik wünsch Se frohe, nich to hitte Sommerdaag! Wi leest uns wedder in'n Septembermaand -- orr to jede Tied op Plattpartu.
Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!
Wacken-Blues. Vun Addi
Kahl (25.7.)
Notizen ut'n
Christmaand. Fotos un Verse vun Marlou Lessing (4.7.)
Sie tanzte nur einen
Sommer. Vun Günter Weber (28.7.)
An mien Kalli. Vun
Wolfhard Sauerbrey (21.7.)
Ik gloov. Mien Bekenntnis to'n
Gloven. Vun Henning Eggers (21.7.)
Wunnerwarken in
Mäkelborg: Stiernbarg. Vun Hans-J. Grebin (21.7.)
De swatte Hammel.
Vun Heinz Tiekötter (21.7.)
Seemannsgarn:
Grog in'n Panama-Kanaal. Vun Günter Sohnemann (11.7.)
Mutterkruut. Vun Anke
Nissen (25.7.)
Luftakrobaten in Pagels'
Goorn: De Hummel
-- Plüschmoors. Vun Thomas Seemann un Marlou Lessing
(7.7.)
In't aktuelle Natuurnotizbook:
Bläderwessel
in'n Juli? Vun Marlou Lessing (28.7.)
Rekord-Ei. Vun
Ewald Eden (14.7.)
Mofi an'n Dingsdag
Avend. Vun Marlou Lessing (14.7.)
De Vagels kommenteert.
Vun Thomas Seemann (14.7.)
Uns Swulken. Vun
Klaus-Dieter Tüxen (5.7.)
Sellschap to'n
Fröhstück. Vun Katja Renfert (5.7.)
Auto. Vun Karl-H.
Nissen (28.7.)
Hoge Bidrääg. Vun Heinz
Tiekötter (25.7.)
Drück mi nie nich nedder. En
politisch Fruuns-Leed. Vun Marlou Lessing (14.7.)
...un 5 niege Indrääg in Marlous plattdüütsch Notizbook.
Modder Sünn ehr Kinner: Glöhworm, de Nachtwächter. Vun Sophie Reinheimer, platt vun Klaus-Dieter Tüxen (7.7.)
To'n Bortsdag. Vun
Sibilla Frerich (15.7.)
Plattdüütsch
Glückwunschleed. Vun Addi Kahl (11.7.)
Hartlich grööt
Marlou Lessing un dat lütt Plattpartu-Team