Mancheen will geern den Winner speeln, versöcht, mit Geld un Spood to blenden.
So'n Wark, dat doot bloots Spinner wähln! Veel beter weer't, mal Bloot to spenden.

 

Moinmoin, leve plattdüütsche Maten un Frünnen!

In düssen korten Maand, de uns ut den deepsten Winter meist in den Lent katapulteert hett, gifft dat veel Nieges bi uns, denn uns Maten sünd heel flietig west -- emsig as de Immen, sotoseggen. De sünd ja ok al togang. Besünners in't Natuurnotizbook is dat to sehn -- un natüürlich in de Natuur sülvst. Wi mööt eerstmal Luft halen -- as en Waterfall stört de Tied över uns, so maalt dat Hildegard Tölke. Al sünd wi op den Weg na Oostern, merrn in de Passioon; düt Johr hebbt wi en Passioonsreeg ut korte Meditatioonen mit Biller vun Elfi Riemenschneider. Nich bloots in't Kinnermärken waakt de lütten Blomen op un nich bloots mang de Minschen de Hormone.

Besünners freit wi uns ja jümmers över niege Stimmen, un dor begrööt wi hartlich Behrendt Böckmann, de toeerst uns Matin Hanne Hinz mit en bewegen Afscheedsgedicht ehrt hett. Denn stell sik avers rut, dat he ok en Schiller-Översetter is: De Kraunen vun Ibycus hett he in sien meckelnbörgisch Moderspraak överdragen. Dat steiht nu blangen mien Översetten vun't Leed vun de Klock, un villicht kaamt noch welk dorto -- wokeen kann't weten? Wenn Se sülven tofällig -- na Se weet ja, nich? ;-) Bi uns is dat heel willkamen!

Ok en niege Stimm, över de wi uns freit, is Wolfram Hüttermann, de uns en korte Skizze vun Koolthartigkeit tostüürt, de dat ok ünner Plattdüütsche gifft. Sowiso hebbt wi heel veel Vertellsels över de Stuurheit, Gier, Iedelkeit un Paragrafenriederie vun Minschen. Un dor kann ok en Aart Naroop op den Gröttsten Golfer vun alle Tieden nich fehlen. Gifft avers ok Schönes to berichten: De Mars-Sonden mit de lyrischen orr moralischen Naams, de verleden Johr glieks koppelwies losflagen sünd, kaamt nu an, un uns Weltruumbeopdraagte Ludgerd Lüske wiest uns dat Niegste vun dor buten. Un allerhand Kuriooses finnt sik in mien Notizbook. -- Naaa...? Is Se wat opfulln? Ja: Düssen Maand weer Plattpartu quasi coronafrie! Keen Bidrag to de Süük! Is dat nu Resignaschoon orr verleert Corona etwa bilütten ehr Bedüden? -- Eendoon: coronafrie to ween, dat wünsch ik Se un uns all!

Nu överlaat ik Se dat Smökern un wünsch Se wunnerbore Lentweken! Wi leest uns Anfang April wedder.


Nu de Linklist. Op de enkelten Links mööt Se bloots klicken, dat Se henkaamt.

 

Plattdüütsch Künst:

Dei Kraunen von Ibycus. Ballade vun Schiller, överdragen vun Behrendt Böckmann    (25.2.)
Notizen ut'n Heumaand. Fotos un Verse vun Marlou Lessing    (5.2.)
Mit Biller dör't Johr: Februar. Biller vun Hildegard Tölke, Verse vun Marlou Lessing    (5.2.)


De Welt un Gott:

Passioon 2021: Reminiscere. Biller vun Elfi Riemenschneider, Meditaschoon vun Marlou Lessing    (28.2.)
De ole Krooch. Erinnern vun Ewald Eden    (28.2.)
De Borbyer Capitol-Stuven. Erinnern vun Klaus-Dieter Tüxen    (25.2.)
Passioon 2021: Invocavit. Biller vun Elfi Riemenschneider, Meditaschoon vun Marlou Lessing    (21.2.)
Nu passt de Büx. Vun Heinz Tiekötter    (19.2.)
Goldgrävers bi Jacobs. Vun Heinz Tiekötter    (17.2.)
Dat du mien Leevsten bist. Vun Silke Frakstein    (14.2.)
Passioon 2021: Estomihi. Biller vun Elfi Riemenschneider, Meditaschoon vun Marlou Lessing    (14.2.)
Seemannsgarn: Dree Stück Krüderseep vun Dralle. Vun Günter Sohnemann    (14.2.)
Hanne Hinz tau'n Andenken. Vun Behrendt Böckmann    (7.2.)
Passioon 2021: Sexagesimae. Biller vun Elfi Riemenschneider, Meditaschoon vun Marlou Lessing    (7.2.)
Schenierlich. Vun Fidi Ehlbeck    (5.2.)
Dat Krüz mit dei Krüzung. Vun Hildegard Tölke    (5.2.)

In't Erinnern-Notizbook:

        De Beddler, de mol Platt snacken dee. Vun Wolfram Hüttermann    (7.2.)

 

Natuur un Wetenschap:

Utduur steiht up den Mars! Vun Ludgerd Lüske    (19.2.)

In't aktuelle Natuurnotizbook:

        Baby-Immen? Vun Thomas Seemann    (28.2.)
        Sitzheizung. Vun Thomas Seemann    (25.2.)
        De Immen sünd los! Vun Thomas Seemann    (21.2.)
        Run op den Mars live! Vun Marlou Lessing    (18.2.)
        Nich mehr all Teller in't Schapp! Vun Marlou Lessing    (13.2.)


Wat in de Welt vörgeiht:

De Grögolz -- de gröttste Golfer aller Zeiten. Vun Cord Denker    (13.2.)

In Marlous plattdüütsch Notizbook:

        Sächsisch Roulette    (21.2.)
        Behinnert parken    (19.2.)
        Salomoonsche Lösung    (17.2.)
        Salomoonsche Quatsch    (13.2.)


För Kinner:

Modder Sünn ehr Kinner: Modder Böök un ehr Frünnen. Märken vun Sophie Reinheimer, överdragen vun Klaus-Dieter Tüxen    (21.2.)

 



Hartlich grööt

Marlou Lessing un dat lütt Plattpartu-Team