De soschalen Folgen vun'n Klimawannel

Es werden auf der wärmern Erden
die Opfer stets die Ärmern werden.

Moinmoin, leve plattdüütsche Maten un Frünnen!

Ja, de Schüddelriemel över unsen Rundbreef is dütmaal op Hoochdüütsch, denn op Platt riemelt dat nich -- avers ik bün dor ganz stolt op :-) Bi de Luftakrobaten för'n Februarmaand heff ik noch schreven, de Krokus, dat weer sachs en beten fröh -- man dor hett en Uul seten! De Februar weer de Krokusmaand, un nu kaamt al de Oosterklocken rut! Wöörn wi nu in Bangladesh wahnen, 'neem dat Water al vör de Dör steiht, denn wöör uns sachs de Panik packen... ja, de Ärmern dreept dat toeerst. Man wi föhlt dat ok, un dat is doch eerstmal ganz moi: Uns Natuurnotizbook is randvull, denn in de Natuur is al so veel los, as weer de Lent op sien Hööcht! Wat dor allens flüggt un blöht... Bloots bi Heinz Tiekötter in'n Goorn is noch Winterfütterung, un he gifft en slechtes Bild af in'n Vergliek mit'n Gimpel -- meent he sülm. Wi glöövt dat nich so ganz, avers Sekunn mal -- ha! -- nu hebbt wi doch en plattdüütschen Schüddelriemel:

He föhl, wenn luud de Gimpel süng,
dat Glücklichween so simpel güng!

Ha! Un dat riemelt wedder bloots op Platt.

Ansünsten is de Februar kort, un ok wi peddt en beten kötter. Uns Maten vun De Welt un Gott hebbt Radio-Andachten to Mariä Lichtmess un vun Bischop Theising mitbröcht, de ok in de Flüchtlingsthematik Stellung nimmt. Henning Eggers gifft in sien Andacht ok Denkanstött dorto. Günter Sohnemann vertellt Seemannsgarn vun en spietschen Bövelsten -- de gifft't ok op See. Un histoorsch intressant sünd de holsteiner "Forschungsreis" na Moskau 1633 un de Bericht vun Heinz Tiekötter, de as Kind vun de Nazis reinweg verslepen woor. Sünst hebbt wi noch en Droomschipp un en frechen Puckpicker un mien Semp to allns, un dat weer't düssen Maand!

Un nu kümmt wedder de Oostertied ran, un ok de Oosterhaas kunn Malesch kriegen...

So hööpt wi nu, wenn wi de Hasen grööt,
dat se sik vör den Wulf bi't Grasen höödt!

So, nu harrn wi doch noch noog plattdüütsche Schüddelriemels. Un wenn de Wülf de Oosterhasen nich all opfreet, wünscht wi Se all en schöne vöröösterliche Tied!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Droomschipp stillt mien Feernweh. Vun Addi Kahl    (21.2.)
Notizen ut'n Heumaand. Fotos un Verse vun Marlou Lessing    (3.2.)


De Welt un Gott:

Dat kannst mi glöven: Dack üöwer'n Kopp. Vun Wilfried Theising, mit Spraakopnahm    (24.2.)
Kriegstied in Wietze. Vun Heinz Tiekötter    (24.2.)
Dat kannst mi glöven: Anne Grund, over weer nei anfangen. Vun Wilfried Theising, mit Spraakopnahm    (17.2.)
Dat kannst mi glöven: Glücksiälig Niejoahr! Vun Wilfried Theising, mit Spraakopnahm    (10.2.)
Andacht ut Grönau: Gott buut op uns! Vun Henning Eggers    (8.2.)
Seemannsgarn: Speen un arbeiten. Vun Günter Sohnemann    (8.2.)
Horst Wernecke vertellt: De Reis na Moskau. Vun Horst Wernecke    (3.2.)
Dat kannst mi glöven: Licht inne Welt bringen. Vun Hubert Looschen, mit Spraakopnahm    (3.2.)


Natuur un Wetenschap:

De Gimpel. Vun Heinz Tiekötter    (17.2.)
Luftakrobaten 2019: Honnig-Imm op Krokus. Vun Thomas Seemann un Marlou Lessing    (3.2.)

In't aktuelle Natuur-Notizbook:

        Bi de Mandarinaanten. Vun Thomas Seemann    (28.2.)
        Clevere Klevers. Vun Thomas Seemann    (25.2.)
        Reiher, Reiher! Vun Marlou Lessing    (24.2.)
        De Lichtpieler grööt ganz liesen. Vun Marlou Lessing    (24.2.)
        De Klever söcht en Höhl. Vun Thomas Seemann    (19.2.)
        De Krokus kaamt! Vun Thomas Seemann, Marlou Lessing    (17.2.)


Wat in de Welt vörgeiht:

Daschendeev un Andänzer. Vun Heinz Tiekötter    (26.2.)

...un 2 niege Indrääg in Marlous plattdüütsch Notizbook.


Niege Spraakopnahmen:

Dack üöwer'n Kopp. Vun Wilfried Theising    (24.2.)
Anne Grund, over weer nei anfangen. Vun Wilfried Theising    (17.2.)
Glücksiälig Niejoahr! Vun Wilfried Theising    (10.2.)
Licht inne Welt bringen. Vun Hubert Looschen    (3.2.)



Hartlich grööt

Marlou Lessing un dat lütt Plattpartu-Team