SwaanrichSwaans up den Karpendiek...
...in'n Godewindpark in Tramünn

vun Antje Heßler


De Biller köönt Se per Klick vergröttern!
Torüch kaamt Se denn mit'n Zurück-Knoop vun den Browser.

De Karpendiek mit de verscheden Watervagels in den Godewindpark is to jede Johrestiet intressant. Ümmer kannst wat Nieges wies warrn. In'n Winter driggt de Diek en Iesdeek. Denn hebbt de Watervagels blots noch en lütt Waterlock. Up dat Ies rutscht se fakens ut. Dat süht to drollig ut.

Düt is nu mien Karpendiek! Ik bün Swaanrich.In't Fröhjohr, in de Balztiet, jachtert de verscheden Watervagels achternanner her. Dat Water sprütt mitünner richtig hoch. An'n Avend sitt se denn geern an de Överkannt un geneet de warme Avendsünn. Dat sünd in de Hauptsaak Aanten, Zappen un Rallen. Aver ok anner Watervagels besöökt den Karpendiek.

In'n Aprilmaand kümmt al en poor Johr en Swaanpoor to'n Bröden na den Karpendiek, de schöne Swaana un de staatsche Swaanrich, so wüllt wi ehr nöömen. Denn hebbt de dat Seggen up den Diek. In dat Reet an den Rand vun dat Över hebbt se ehr Nest buut. Dat Utbröden vun de Eier maakt Du denkst, ik sitt hier blots rüm, avers dat Rümsitten is Arbeit -- ik brööd!Swaana, de Swaanfru, alleen. He passt aver bannig goot up, dat keen to dicht an dat Nest kümmt.

Swaanrich passt op!

Ik bün Swaanrich, un düt is mien Riek!Ditt Johr bünn ik to de Tiet meist jedeen Dag na den Karpendiek spazeert. Wenn ik den Barg hindaal keem, trock de Swaanganter up den spegelblanken Diek stolt siene Kreise. Mitünner keem de grote Vagel ok sworfällig an Land klattert. Wenn he denn vör di stünn un den Kopp reck, kunnst meist bang waarn.

Sien Fru seet up de anner Siet vun den Diek gedüllig up ehr Eier. Ganz selten keem se mal vun dat Nest hindaal in den Diek. Mitünner stünn se ok up dat Nest un dreih de Eier. Woveel se wull utbröden müss? Över dree Weken seet se nu al up de Eier. Dat heet, dat de Swaana dreiht de EierSwaans veer bit fief Weken up de Eier sitten mööt. Denn eerst kruppt de lütten Gössel ut dat Ei.

Dat Reet is gröön woorn, avers de lütten Swaans sünd noch in't Ei

Swaana bröödt

Swaana putzt sik

Swaana bröödt wieder

Dat Reet woor gröön un gröner; man bi Swaana röög sik noch nix in't Nest. Bi de Aanten un Zappen weern de lütten Küken al dor. De Aanten trocken mit en groot Swaanrich kümmt!Swadron Kinner över den Diek. Dat müss ik doch knipsen. Se weern up de anner Siet gegenöver vun dat Swaannest togang.

Dor harr ik aver mien Reken ahn Swaanrich maakt. Mit eens keem he an Land un glieks up mi to. Zisch mi an un sloog sien groten Flünken üm miene Been. Mi wöör angst un bang un dat dünn ok richtig dull weh. Ik kunn mi gor nich so gau ut'n Stoff maken. Ik reep na mien Mann üm Hölp. Aver he wöör ok vun den Swaan attackeert. Sowat harrn wi noch nich beleevt!

Swaanrich rückt an!

Swaanrich duckt sik:...

....Attacke!!!

Wedder to Huus, heff ik eerstmal mien Been bekeken. An annern Dag harr ik an den rechten Schenkel enen Handtöller-groSöven Kinner!ten blauen Placken! Eerst na twee Weken weer dütt Andenken vun de Swaanattacke wedder verswunnen.

Endlich, na fief Weken, weer dat denn sowiet. De lütten Swaankinner weern ut dat Ei krapen. Söven lütte Gössel legen in dat Nest! Swanhild, Swantje, Swanfred — gifft dat överhaupt Naams noog för so veel lütte Swaans? Uteneenhollen kannst ehr sowiso noch nich...

As ik an den neegsten Dag de Swaanfamilie knipsen wull, weer keeneen mehr dor. Se weern altohoop verswunnen. Wo weern se afbleven? De lütten Gössel kunnen doch noch nich flegen!

Familienleven

Överall heff ik fraagt, aver keeneen kunn mi wat dorto vertellen. Na twee Daag hör ik denn, dat de Swaanfamilie Ik heet Swantje, un ik kann al ganz alleen swemmen!up de Trav sehn woorn is. Gau möök ik mi up den Weg. Un wohrhaftig, de hele Familie swomm up de Trav. De lütten Gössel mank de Öllern. Wat weer dat för en smuckes Bild! Ik kunn mi gor nich satt sehn.

"Wa deep is dat hier, wat meenst du?"

Swanfred is ja soooo möööd...

"Hässliches Entlein"? Wokeen süht hier en hässliches Entlein?

Swaana passt op!

Kaam nich to nehg an mien Kinner ran!De lütten Gössel weern to un to nüüdlich. Se söchen al na Futter. Mit den lütten Kopp up den Swaanhals dükern se ünner Water. Dorbi weern in ehr hell Dunenkleed Waterdruppen hangen bleven, de blenkern in de Sünn. Dorna höllen se Meddagsslaap. Mit den Kopp ünner de Flünken leten se sik up de Trav drieven. Swaana un Swaanrich, de beiden Öllern, passen ja goot up!

 

Över een Week sünd se nu al up de Trav. Se sünd in de Twischentiet al ornlich wat gröter woorn. Mi will dat ümmer noch nich in'n Kopp, wosück de Swaanfamilie dat schafft hett, bit in de Trav to kamen. Aver de lütten Aanten loopt ja ok oftins en groot Stück över Land achter de Modder her, bit se dat grote Water funnen hebbt. Nu bün ik neescherig, up Swaana un Swaanrich in't tokamen Johr wedder na den Karpendiek kaamt un dor ehr Eier utbröödt.

Da treckt se in en unseker Tokumst...

Twee Maanden later...groot woorn sünd se!

Ümmer noch draap ik de Swaans mit ehr söven Kinner. Mitünner sünd se up de Trav an'n Jachthaven un mitünner ok an den Strand. Se sünd al düchtig ranwussen. In Kiellinie swimmt se, den Kopp up den slanken Swaanhals in de Hööcht reckt, altohoop över de blage Oostsee. Dat is smuck antokieken. De stolte Vadder vörut un Modder achterna.

Landen blangen de Landungsbrügg

Gruppenbild mit Möwe

De Möwen maakt sik lever davunNüülichs kunn ik bi'n Landgang vun de hele Swaanfamilie tokieken. Dat güng ornlich wat langsamer un recht behäbig to. De jungen Swaans harrn gor nich so recht Lust. An Land harr Vadder wull för sien Kinner wat to'n Freten funnen. Amenn weern se aver al an'n Strand. Dat duur blots gor nich lang un dat güng wedder to Water un över de Oostsee. Vadder un Modder wiesen ehr Kinner den Weg.

Över de Oostsee -- in de Tokumst!


All Biller: © Antje Heßler
27.7.2008


na baven