Mit dat Event Horizon Teleskop kunn dei Wätenschkup dat eierste Bild van ein Schwartet Lock dorstellen.
Dit Bild is kien Foto, et werd ut dei Daoten van ein weltwiedet Radioteleskop-Net an einen Computer tausaomesettet.

Dit Bild wiest dat Schwarte Lock in dat Zentrum van Messier 87. Dat is eine massive Galaxie in den dune bi liggen Virgo-Galaxiehoop. Bild-Daoten: ETH (Event Horizon Telescope collaboration et al.), 10. April 2019

Dat Event Horizon Telescope (EHT) is ein Koppel van acht boddenstöhnte Radioteleskope, dei man dör ein internationaolet Tausaomewarken verbinnen dö. Dat wörd so anleggt, dat man Biller van ein Schwartet Lock upbawen kunn.

So wieset dei ETH-Lüe, dat sei den eiersten direkten visuellen Naowies van ein supermassivet Schwartet Lock un sienen Schadden dorstellen kunnen. Dat Bild wiest dat Schwarte Lock in dat Zentrum van Messier 87. Dat is eine massive Galaxie in den dune bi unsen Galaxienhoop liggen Virgo-Galaxienhoop. Dit Schwarte Lock ligg 55 Millionen Lechtjohre wiet van dei Eern weg un hätt eine Masse, dei 6,5 Milliarden Mal so grot ist at dei Sünne.

Hier is dei Galaxie Messier 87 (rode Punkt) tau finnen: Twischen Jungfru (Virgo) un Lööw (Leo) in den Galaxienhoop vun de Jungfru (Virgo). Bild Torsten Bronger/Wikimedia Commons

Dat ETH verbinnt Teleskope up dei heele Welt un maokt so ein virtuellet Teleskop in Eerdgrötte mit eine orig grote Empfindlichkeit un Uplösung. Dat ETH giff dei Wätenschkup-Lüe eine neie Gelägenheit för ein Ünnerseuken van extremste Objekte in't Universum, dei Einstein siene allgemeine Relativitätstheorie vörhersäggen dö. So süht man nu: Einstein harr recht.

Schwarte Löcker sünd wunnerlicke kosmischke Objekte mit gewaltige Massen, aower mit wohrhaft kompakte Grötten. Dat Vörkaomen van disse Objekte ännert orig dei Ruumtieden un warmt jedet ümmliggen Materiaol up.

Bi dat ETH-Ünnerseuken nimmp man eine Technik, dei man Interferometrie för recht lange Grundlinien (VLBI) neumt. Dei synchroniseiert dei Teleskopinrichtungen up dei heele Welt mit dei Eerd-Rotation. So krigg man ein eerdgrotet Teleskop, dat mit eine Wellenlängte van 1,3 mm warket.

Mit VLBI kann dat ETH ein Winkeluplösen van 20 Miktosekunnen henkriegen — naug, dat man in New York sitt un ein Dagblatt in ein Straotencafé in Paris läsen kann.

All düsse Teleskope arbeidt bi't EHT tausaomen. Bild: European Southern Observatory (ESO)

Dei Teleskope, dei bi dit Wark mitmöken, wören ALMA, APEX, dat 30 Meter lange IRAM-Teleskop, dat Maxwell-Teleskop van James Clerk, dat grote Millimeter-Teleskop Alfonso Serrano, dat Submillimeter-Array, dat Submillimeter-Teleskop un dat Südpol-Teleskop. Petabytes an Rohdaoten ut dei Teleskope wörden van hochspezialisieierte Supercomputer kombinieiert, dei van dat Max-Planck-Institut för Radioastronomie un van dat MIT Haystack Observatory bewarket wörden.

---

Medienkontakte: NSF Public Affairs, NSF, 703-292-8070, E-Mail:media@nsf.gov

NSF-Artikel: