Rosetta

Dei Rosetta-Mission: Philae, dei Lander



Rosetta in Ümloop üm den Kometen

Technik-Daoten van dat Sonden-Poor: Rosetta — Philae

As Grundstruktur hätt Rosetta einen Kassen ut eine Aluminiumlegierung mit ein Maot van 2,8 x 2,1 x 2,0 m. Dei Wätenschkup-Instrumente (tausaome rund 165 kg) sittet up dei Baobensiete un dei Bus-Support-Module an dei Basis. An dei Siete sünd eine 2,2 Meter-Antenne för dei Kommunikation (S-Band un X-Band mit 10 bit 22000 Bits pro Sekunne), dei ümmer fiefdeiligen Solarzellen-Utleggers mit 32 m Spannwiede (32 Quadraotmeter groot un mit 850 W Leistung in einen Affstand van 3,4 AE un 395 W bi 5,25 AE) un dei 100 kg schwore Lander. Dat Andriewsystem hätt 24 Tweistoff-Driewwarke, ümmer mit teihn Newton Schub, för dei sünd 1670 kg Driewstoff an Bord.


Instrumente van Philae. Klick up tau'n Vergröttern!

Wätenschkup-Instrumente up den Lander Philae

  • APX Alpha-X-Ray Spectrometer
    Dat is ein Spektrometer tau'n Ünnerseuken van dat chemischke Tausaomesetten van dei Komet-Baobensiete (Max-Planck-Institut för Chemie, Mainz)
  • CONSERT Comet Nucleus Sounding Experiment by

    Philae in dei Montagehalle
    Radiowave Transmissions
    Dat is eine Radiowellensonde tau'n Dörlüchten un dormit tau'n Bestimmen van dei Binnenstruktur van den Kometenkarn. Ein Sender an Bord van Rosetta sendet Radiowellen dör den Kometenkarn, dei denn van einen Empfangsapparaot in den Lander faotet un utwertet werd. (Frankriek / Ruhruniversität Bochum)
  • COSAC Cometary Sampling and Composition Experiment
    Hiermit werd dei Komet-Baobensiete ünnersöcht: Mit den Gas-Analysator werd dat elementore, isotopischke un chemischke Tausaomesetten van dei infroren Gasandeile bit in dei Deipte van 30 cm faotet.
    (Max-Planck-Institut för Sünnensystemforschkung in Katlenburg-Lindau)
  • MUPUS Multi Purpose Sensors for Surface and Subsurface Science
    Dit System hätt einen Sensor för Temperatur un Warmteleitung tau'n Mäten van dei Baobensiet-Temperatur, van dei Warmteleitung in dat Baobensiet-Materiaol, tau'n Upstellen van Temperaturprofile duune unner dei Baobensiete un tau'n Mäten van dei Fastigkeit. (Universität Münster)


Philae

  • PTOLEMY, neumt nao Ptolemäus
    Dat is ein Massenspektrometer mit einen Gaschromatograophen tau'n Faoten van dat isotopischke Tausaomesetten van dei Bohrproben. (Grootbritannien)
  • ROLIS Rosetta Lander Imaging System
    Dit is eine Panoramakamera tau'n Bekieken van Strukturen van dei Komet-Baobensiete bi't Landen un uck för Multispektraolupnaohmen van den Landeplatz. Taudem kann man mikroskopischke Upnaohmen van extrao utsöchte Deile van den Landplatz maoken. (DLR-Institut för Planetenforschung in Berlin-Adlershof)
  • ROMAP Rosetta Lander Magnetometer and Plasma Monitor
    Ein Plasmamonitor un ein Magnetometer mätet dat Magnetfeld van den Komet.
    (Max-Planck-Institut för Extraterrestrische Physik in Garching / TU Braunschweig)
  • SD2 Sample Drill and Distribution
    Disse Bohrmechanismus nimmp Proben ut Deipten bit 30 cm. (Itaolien)
  • CIVA Comet Infrared and Visible Analyser
    Dat System hätt seß identischke Mikrokameras för Panorama- un 3D- Upnaohmen van dei Baobensiete (CIVA-P) un ein Mikroskop (CIVA-M) mit ein Spektrometer tau'n Ünnerseuken van dei Textur un dei Trüggestraohl-Kraft van dei Boddenproben ut den Kometenkarn.
    (Frankriek)
  • SESAME Surface Electrical, Seismic and Acoustic Monitoring Experiment
    In dat Paket giff et Sensoren tau'n Mäten van dei akustischken un dielektischken Eigenschkupen van dei Kometmaterie. Hiertau hört uck ein Stoffinschlag-Monitor tau'n Faoten van den Stoffandeil, dei in eine wisse Tied wedder up dei Komet-Baobensiete trüggefallt.
    (DLR-Institut för Ruumsimulation in Köln-Porz)


Philae up den Planeten

Wo kump dat Läben her?

Nao dei Landung up Tschuri werd Philae physikaolischke un chemischke Parameter mäten. Man will wäten, off et orgaonischke Verbinnungen, sükke as Aminosüren, in dat Komet-Ies gäben dait. Chiraole Verbinnungen werd dorbi in ehre enantiomeren Formen uptrennt un quantifizeiert. Dat schall helpen bi dat Begriepen van dat Entstaohn van dat Läben un siene Homochiraolität up dei Eern. Dei ESA räket dormit, dat dei Sonde Philae tauminnst 64 Stünnen warken dait, vellicht uck noch ein poor Stünnen mehr.


Rosetta flüggt üm den Kometen, op den Philae al sitt

Links tau dei Fachspraak

Chirale
Enantiomere
Homochiralität


Mit Infos van ESA; Südollnborger Platt: Ludgerd Lüske
Biller: ESA

25.2.2014


na baven