Methan — Vun de Schemie, de Ierd un mi un de Käuh

vun Rudi Witzke


Un mit eenmaal flücht di uns schööne Ierd mit en Dunnerknall üm de Uhren.


Bild: RW

Woso dat?
C6H12O6 3 CH4 + 3 CO2
Vunwegen dat Gekrickel?
Wiss! Villicht! Woso?

Wieldat wi de Bisons schütten un de in grote Hauden över de Prärie lopen.
Wieldat wi Moschussossen up dat norwegsch Fjell schütten.
Wieldat wi so veel Melk drinken un Fleisch eten, hebbt wi veel to veel Käuh.
Und all de Schaap rundum de Ierd hebbt Schuld. De Zicken kannst mittellen.
Un de Hirsche un Rehe, de Antilopen un… un……
Un överall noch, wo noch Natuur is.
In de Ozeaane sünd lütte Einzeller schuld.
Am meisten woll schuld.

Vele vun uns leiwen Derten hebbt nich naug mit een Maag.
De gröötste Sack is de Pansen.
Un öwerall un all produzeern se ok en Gas, Methan, CH4, dat brennen deit.

In de deipe See is dat an'e Grund to Ies tosammenpresst.
So veel, dat di dat nich vörstellen kannst.

Un wenn dat explodeert?

Aver jümmertau rülpsen de Neerkäuer Methan in de Luft.
Orrer di in't Gesicht. Nu ok! Un nu denn ok.

Un de anner Derten? Ok! Aver nich so veel ut Muul, miehr achtern de Winnen.
Mit H2SO4, wat stinken deit.
Een Minsch gifft an'n Dag meist so 1 ½ Liter Winnen af,
dorvun beten CH4.
Vele bringen dat aver ok up 8 l Winnen.
Un wenn nu noch CO2 dortau nümmst,
dat nich brennt, aver för de Hitt up uns Ierd sorgt,
denn kann di Angst un Bag warden.
Dat rummelt so in de Lohstraat? Un achter't Huus ok! Maakt bannigen Krach!
Dat ward doch nu nich losgahn?
Ne! Na, denn köönt all öseln un so veel rülpsen un öseln as se köönt.
Nu ok! Un nu!


Biogasanlaag. Hier maakt se afsichtlich Methan tau'n Verbrennen

Ik schall mi schamen, dat ik vun so wat snack? Dat deit een nich.
Aver jüst rülpsen wedder so veel Käuh, dat ik se nich tellen kann. Rüükt as Suurkruut.
Un de Naversch föhrt mit Auto vun'n Hoff. Dat Rummeln vörhin, dat weern Swoorlaster.
De spoort Maut. Na denn!


Foto: RW

Nich vergeten: Wi bruukt Kerosin för Tornados un Panzer!
Hollt de Käuh dat Muul tau!

Dat ward düster?
Denn "Gaude Nacht!"


26.10.2010


na baven