Dat Kruut för'n Heumaand: vun Anke Nissen Origanum majorana Familie Labiatae |
|
|
Anner Namen:
|
Maieron, Maigram,
Mairan, Mairon, Majeran, Margran, Masaran, Maseran, Maseron, Meirankraut,
Miran, Pflänzchen Wohlgemut, Süßer Majoran, Wohlgemut,
Wurstkraut. Sorten: Sommermajoran wasst blot een Johr Wintermajoran wasst vele Johr |
|
Sammelt warrt:
|
Bläder (Herba Majoranae) | |
Warrt bruukt:
|
|
|
|
||
Majoran
kümmt vun't Mittelmeer. De latiensch Naam stammt vun de olen Griechen:
"ores ganos", dat heet "Freude der Berge".
Ok in't olle Ägypten weer dit Heilkruut bekannt. Na Europa is't in't Middelöller kamen. De Fruun hebbt sik Duftbuschen dor ut bunnen. In en oll Krüderbook heff ik leest, man hett dortomalen Lüüd, "die zu übermäßigen Klagen neigten", Majorantee to drinken geven dorher kümmt villicht de Naam "Wohlgemut", in dat oll Krüderbook steiht "Wolgemüt". Majoran gell as Kruut gegen Hexen. Al siet de Antike warrt geern Hüüs un Stall dormit utrökert. |
||
In de Köök Bi uns warrt al lang Majoran as dröögt Bläder in de
Köök bruukt. Wi
hebbt Majoran in unsen Goorn. Ik streu jichtens Majoran över
de Braatkantüffel, kort bevör de to Disch kaamt. To all fett Eten passt Majoran, wiel dit Kruut goot för dat
Verdauen is. |
||
As uns' Kinner noch heel lütt weern, heff ik ehre Näsen mit Majoranbotter insmeert, wenn se Snuppen harrn. Uns Dochter hett dat mit uns' Enkel later jüst so maakt. Majoran-Saalv:
Blot jümmers lütte Portion herstellen, höllt sik nich lang! Mien Oma hett Majoranbotter ok nahmen, wenn en Baby jümmers an't Schrien weer. Se hett tweemal an'n Dag en Fingerspitz Saalv vörsichtig üm de Navelgegend vun't Kind inreven. |
||
"Wilder Majoran" is as Oregano bekannt. Dat gifft so as bi Majoran vele Arten. Den Ünnerscheed süht een an de Bläder, mal sünd se grötter, mal lütter, mal seht se mehr rund ut, mal as en Hart, mal länglich. Oregano blöht recht smuck.
Anner Namen för den Wilden Majoran: |
||
Foto Majoran: H.Zell/Wikimedia Commons Fotos Oregano: Thomas Then/Wikimedia Commons Tigerente/Wikimedia Commons 26.6.2005 |