De
Zaubernuss
Familie Zaubernussgewächse = Hamamelidaceae
vun Anke Nissen
|
Virginische Zaubernuss, Amerikanische Zaubernuss, Hamamelis,
Hexenhasel, Hopfenhainbuche, Virginia-Zaubernuss, Wünschelrute,
Zauberhasel, Zauberhaselnuss
|
|
- Hamamelidis cortex, de Rinde vun de Virginische Zaubernuss
- Hamamelidis Folia, de Bläder vun de Virginische Zaubernuss
|
Sammeltied:
|
Juni bet
August |
Wirken:
|
stillt
Bloot, hemmt Entzünden, gegen Jucken vun de Huut, treckt
tosamen (adstringierend). |
Warrt anwendt:
|
- bi lütte Verletzen vun de Huut,
- bi lütte Entzünden vun de Huut,
- in de Kosmetik
|
|
- as Hamamelidis Aqua = Hamameliswater
- in Crèmes, Salven, Tinkturen
|
Ende
Januar, Anfang Februar buten is allens gries un grau un grimmelig
, dor fallt dat Oog miteens up enen Struuch, de över un
över vull lütte, slichte, lüchend gele Blöden
sitt. Dor mütt ik stahn blieven, dor mutt ik kieken, dor mütt
man sik freuen. Und dor freut sik nich blots dat Oog, nee, wenn een
ganz dicht rangeiht, denn freut sik ok de Nääs.
Un disse gele Blödenstruuch, dat is de Hamamelis, de Zaubernuss.
Se is en Struuch orrer en lütt
Boom, de as Zierplant in vele Goorns to sehen is. Se wasst man heel
langsam. Un besneden warrn will se blots wenig un nich to oft.
Gavelt Telgen vun de Hamamelis sünd goot as Wünschelrute
to bruken, as Bispill to 'n Upspüürn vun Water ünner
de Eerd.
De
Virginische Hamamelis blöht in'n Harvst, alle annern Orten un
Sorten in'n Winter. De Blöden köönt gröönlich
sien, geel, orange orrer root.
De swarten, fix harten Samen sitt in en Kapsel, de geiht as bi en
Explosion up, dordörch warrt de Samen bet to 10 Meter wiet wegschleudert.
Drei Orten vun de Hamamelis stammt ut Nordamerika: Hamamelis virginiana,
Hamamelis vernalis, Hamamamelis ovalis; twee Orten kaamt ut Asien:
Hamamelis japonica und Hamamelis mollis.
Dat is noch gor nich so lang her, dat de Hamamelis na Europa kamen
is, dorüm warrt de Plant hier ok noch nich lang as Heilplant
bruukt. In miene ollen Krüderböker kunn ik se nich finnen.
As
Heilplant warrt Hamamelis mehrst blots för buten bi Probleme
vun de Huut bruukt. In Kosmetika schall se de Huut beruhigen un straffen,
in Medikamente warrt ehr Wirken gegen Entzünden bruukt.
As Huut-Heilmiddel hett de Zaubernuss en lange Traditon: De Ur-Inwahners
vun Nordamerika hebbt all in ganz fröhe Tieden de Bläder
un de Rinde vun Hamamelis gegen Huutleiden insett.
Hamamelis-Tee:
- 2 Teelöpel vull Hamamelis-Bläder orrer Rinde
- mit 1 Tass kaken Water övergeten,
- trecken laten un afseihen.
Mit
dissen Sud warrt de Huut wuschen
orrer man baadt de Huut dor in
orrer man maakt dor enen Ümslag mit
un leggt den up de kranke Huutstell
orrer man dükert ene Kompresse in
den Tee un bruukt de as Ümslag. Se sull tominnst twee Stunnen
inwirken
orrer man maakt sik en Bad, en Sitzbad,
en Footbad (20 Minuten binnen blieven).
Hamamelis-Tinktur
...is en alkoholisch Utzug, de gegen Huutbesweer bruukt warrn kann.
De Tinktur kann mit Water verdünnt warrn.
Hamamelis-Water
...wirkt veel milder , as de Tinktur. Dat is goot in Cremes to verwennen
Hamamelis-Cremes un Hamamelis-Salven
...sünd goot to broken bi meist all Besweer vun de Huut.
|