Fingerhut

Digitalis purpurea, Digitalis lanata

Anner Namen: Fingerhoot, Fingerpiepen, Roter Fingerhut, Klaprause, Platzblume, Waldglöcklein, Waldschelle

vun Anke Nissen

Fingerhoot is en tweejährig Plant. Se hett enen uprechten Stengel, de männichmal so hooch is as en Minsch. An dat böverst End sitt de Blödenstand, un de süht ut as en lang, einseitig Druuv, de vele Blöden driggt. De enkelt Blödenglock ist meist purpurfarven un mit düüster Tüpfeln sprenkelt, de enen hellen Rand hebbt.

Fingerhoot is en recht hübsch un dekorativ Plant. Ik heff se oft in'n Wald sehen un natürlich ok in vele Goorns. De Fingerhoot maakt elkenen Sommer-Blomenstruuß noch schöner.

Aver! —— All Dele vun disse schöön Plant sünd stark giftig.
Dorüm kann disse Heilplant würklich blots vun enen Arzt ahn Gefohr verordnet warrn!

Digitalis is en vun de wirksamst plantlich Arzneimittel.
Sien wirksam Inhaltsstoff: Herzglykoside, as Digitoxin, Digoxin, ß-Acetyldigoxin.
Al heel lütte Mengen hiervun bringt den Dood!

Symptome:

  • Övelsien
  • Brechreiz
  • Een kann nich mehr goot kieken
  • Dood dörch Stillstahn vun't Hart

Eerst Hölp:

  • Medizinisch Kohle un Natriumsulfat to'n Afföhren

Wi sullen also Digitalis nie ahn ärztlich Anwiesen bruken.

In en oll Krüderbook heff ik funnen:

Wozu diese Kreuter zu gebrauchen seyn /
Finde ich nicht bey den Authorn /
allein dass LEONARDUS FUCHSIUS schreibet:

"Diß Gewächs würdt von unsern Teutschen Fingerhut geheyßen /
darumb, das seine Blümen einem Fingerhut /
so man zu dem Nähen braucht /
gantz und gar ähnlich seind.
Wie es bey den Alten geheyssen sey worden /
Kann ich nit wissen /
Ist ihnen vielleicht nit bekannt gewesen ——"

Ik heff mal enen Adventskalender maakt, in den müssen Heilplanten raadt warrn. Dor hett en Plant — ik glööv, dat weer de Nummer söven — vun sik seggt:

"Ik bün stark giftig,
wachs in vele Goorns.
Ik heff Namensvettern ut Blick orrer Sülver."

Dor hett Antje Hessler mi dit Photo schickt!


Anke Nissen, August 2006


na baven