Horizons-Mission: Alexander Gerst flügg nao dei ISS

van Ludgerd Lüske


Dei ESA-Astronaut Alexander Gerst schall an'n 6. Juni üm 13:12 Uhr (MESZ) tausaome mit den Roskosmos-Kommandanten Sergei Prokopyev un dei NASA-Astronautin Serena Auñón-Chancellor in't All fleigen.


Dei Sojus-Rakete


Start in Rüggenlaog: Astronaut Gerst (ESA-Bild)

Dat Trio startet van dat Kosmodrom Baikonur in Kasachstan. Twei Daoge läöter kaomt dei bi dei Internationaole Ruumstation (ISS) an. Dormit gaiht et los mit dei "Mission Horizons".

Nao 34 Eerdümrundungen kummp Alexander Gerst an'n 8. Juni üm 15:07 Uhr (MESZ) bi dei ISS an. Dei Sojus-Ruumsonde docket denn mit dat Rasswet-Modul an dei Station an. Dei Klappen gaiht nao twei Stünnen aopen un denn gaiht et mit dei Horizons-Mission los. Alexander Gerst is denn tau'n tweiden Maol in'n Weltruum. Hei schall uck dei tweide ESA-Astronaut wern mit dat Kommando äöwer dei ISS. Dat Horizons-Programm is vull mit europäischke Forschkung: Mehr at 50 Experimente schäöllt för dei Menschken up dei Eern Vördeile bringen un uck dei taukaomen Forschkung in den Weltruum up'n Padd bringen.


Wenig Hoor un veel dorünner: Alexander Gerst
probeiert einen Experimentier-Apparaot ut. (ESA-Bild)

Eiers eis wünschket wi dei Astronauten einen gauen Start!

Dei Bildungskanaol ARD-alpha äöwerdrägg den Start van Gerst nao dei ISS. Dat Liveprogramm ut dat Dütschke Ruumfohrtkontrollzentrum in Oberpfaffenhofen fang um 12.30 Uhr (MESZ) an. Dei Sender Welt äöwerdrägg dissen Start uck. Et giff 'ne Riege TV-Senders, dei den Weltruum-Start äöwerdrägen willt.


Biller: ESA un Wikipedia
Rasswet: Rasswet-Infos hier
Blog van Alexander Gerst
Wor flügg jüst dei ISS?
Videos tau dei Mission
Logo-Bilddaoten: hier un hier
SO-Platt: Ludgerd Lüske
4.6.2018


na baven