Dat Projekt Goorndiek
vun Thomas Seemann
Se köönt de Fotos per
Klick vergröttern. Trüch kaamt Se denn mit den Zurück-Knoop
op de Browser-Symboolliest.
De Imm op de Blööt is dull
bi de Arbeit!
|
Eegentlich kunn ik beter in uns Schrevergoorn gahn. Denn daar to
schrieven, dat dee helpen, aver ik meen ok, dat ick dat heel good
vör Oogen hebb. Dat is net so, as wenn man bi't Malen gode Musik
an hett.
Ick hebb hier so'n lüttje Book liegen dat Daagbook
von uns Diekprojekt. Darut will ick even dat Wichtigste upschrieven.
Dat fung an Mitte Märt un dat weer erst so um 10 Grad warm buten,
aver man kunn all marken, daar deit sück wat in de Natur. De
Krokussen weern heel fröh an Bleihen un jede Dag weer besünners
ok wenn dat maal Schietwetter was.
"Tower an Imm, Tower an Imm: Landung
op grote Cosmea friegeven!" "Imm an Tower: Danke! Over!"
De Diek in'n "Rohbau"...
|
An de 17.03.2015 weern wi dat erste Maal in't Thun. Kiek, vördem
haarn wi blot daarover proot un nu sull dat losgahn. Mit söven
Lü gungen wi daarhen. Ik un Florian keken nah de Diek, de annern
weern an Blömen un Gemüs poten, Unkruut jäten un Planten
mit Water begeeten.
Wi beid keken uns de Diek van boven un unnen an. Uns lüttje
Diek is 2,10 Meter lang, 1,30 Meter breet un good 0,25 Meter deep
dat faat rundweg 600 Liter. Wi funnen ok all Leven Gelbrandkäfer,
Waterlooper un ok Poggen. As nächstes wullen wi kieken, off man
nich dat Water mit en Teichpump offsugen kann.
...un mit en spegeln Arbeitsmann
De Imm op de Blööt is dull
bi de Arbeit!
|
De tweede Dag, dat weer an Dienstag, de 24.03.2015, sach dat all
heel anners uut. Wi haarn en Teichpump kreegen un fungen an to pumpen.
Tüskenin Stenen insammeln un Gras offsteken.
De Diek warrt afkeschert, dat Water
is rut daar liggt sogor en dröge Schwamm
|
Wat sik allens so rutkeschern lett....
...wenn ik de küssen do, warr ik denn en Prinz?
Mit de Keschernett fungen wi Bergmolche, un sachen ok weer Poggen,
Gelbrandkäfer un Waterloopers.
Lütt Bergmolch will doch lever na den
neegsten Berg! Orr op dat Oktoberfest?
Bergmolch is nich begeistert
Ik küss ehr, ik küss ehr nich,
ik küss ehr...
|
De anner Gruppe, de mit uns daar weern, kümmerten sück
um dat Kräuterbeet, dat weer en anner Projekt, de genau tegen
uns Teich was. Bi en Tass Koffje beprooten wi dat Künftige. Planten
wullen wi koopen un en Hügel um de Teich anlegen. Binsen un Rohrkolben
haarn wi all, de wi tegen Middag all insetten.
Is daar noch so'n Monster in'n Kescher?
|
Küssen warrt nix, de Gast neiht
ut
|
Dütlich warmer was de 14.04.2015. Wi hebben Planten inkoeft
un keken, waar se goet stahn kunnen. Ditmaal fischten wi 2 Bergmolche
un 2 Laubpoggen. In't Nett gungen uns ok heel bült Larven, dat
wassen vermutlich Libellenlarven.
So as wi dat beproot haarn, fungen wi mit de Upschüttung an.
Up eenmaal röpt Klaus, uns Betreuer: "Kiekt even: hier is
en heel dicke Putt!" Klaus broch dat Unkruut na't Kompost un
as he daar en bittje dörröhrt hett, kwem disse dicke Putt
toemoet.
"Kannst ja mal mi küssen,
mal kieken, wat ik denn warr!"
"Wohrschuug, ik weer mal en dicke Putt,
denn hett mi een küsst..."
De Diek is noch nich fertig beplant...
...avers nu!
Thomas un Florian hebbt sik op dat Beet verewigt
Ik maak een paar Biller darvan un ok van de Blömen, de all kräftig
bleihten. Binsen, Rohrkolben, Ampfer, Waterlilien, Waterpepperminze,
Froschleepel funnen de richtige Platz bien Diek. Ok Stenen kwemen
up de richtige Platz.
Florian bi de Arbeit. "Florian"
heet "De, de bleiht". Passt!
|
Wi wassen allwöchentlich daar. Florian dee sien Prüfung
absolvieren mit en glatte Een in sein Tügnis. Beter kunn dat
för uns nich lopen.
De Goorn hett noch mehr to beden as
den Diek!
|
En Bergmolch is he nich, avers kladdern kann
he as Reinhold Messner!
Sprinkleranlaag praktisch, wenn
dat Woter mal brennt!
|
Uut Sicherheitsgründen kopten wi schließlich en Solaarpump
un Florian broch Goldfisken vant Huus mit de deen sück
richtig wohlföhlen int Natt, waar nu mittewiel ok all Seerosen
bleihten.
De Woterplanten hollt dat Woter rein, de Goldfisch
weet dat to wördigen
"Nich slecht!", seggt ok Herr Specht
Wi hebbn bült Arbeid investiert. Över de heele Tied hebb
ik Fotos maakt. Aver dat hett sück in allens lohnt. Dat weer
rein en Erfahrungsgewinn för uns beid. So vööl verscheeden
Planten kennenlehrn un kieken, wat för Lebewesen dat geven deit!
De ganz grote Sprinkleranlaag is för wenn de Planten mal brennt.
Düt hier is en Proov.
Bi uns funscheneert dat. Wi sünd ja nich de Fleeghaven van Berlin!
De Goorndiek in'n Oktobermaand mit Rindenmulch
De schöne Mohnbloom seggt Adjüs...
...un Florian un de Autor ok!
4.10.2015
|