Dawn-Logo
Dei Nasa-Sonde "Dawn" kummp bi den Miniplanet Ceres an

van Ludgerd Lüske


Dei Ruumsonde Dawn is mit Erfolg nao dei lange Reise in den Ümloop üm den Miniplanet Ceres gaohn.

Dei Dawn-Sonde van dei NASA güng an den 06. März 2015 in den Ümloop van den Miniplanet Ceres. Mehr as säben Johre möß dei Sonde dör den Weltruum fleigen, bit dei bi dissen Planet anköm.


Ansicht van Ceres. Bild: © NASA / JPLCaltech / UCLA / MPS / DLR / IDA

Tüschkendör hätt sei noch den Asteroid Vesta ünnersöcht. Dawn is dei eierste Sonde, dei forts üm twei extraoterristischke Objekte fleigen kunn. Dat neieste Bild van Ceres mök Dawn an'n 01. März. Dor süht man den Miniplanet meist in'n Schadden. Up dei Ümloopbaohn flüg Dawn up dei Site van Ceres, dei bit Midde April van dei Sünne wegwieset. Wenn dat Ruumfohrtüg wedder ut den Planetschadden rutflügg werd et neie Biller nao use Eern funken. Dorbi kummp dei Sonde up eine Spiraolbaohn immer duuner an den Planet ran.

Dei Upbau van dei Dawn-Sonde


Bild: NASA/JPL /MPS/DLR/IDA

Bild-Plaoten Kamera (Framing Camera [FC])

Disse Kamera maoket Biller van Vesta un Ceres in drei Spektraolfarwen un in Schwart-Witt.

Dei Naome "Framing Cameras" kummp van den quadraotischken Bildsensor (englischk: "frame" = Billerraohmen), dei uck quadraotwiese den Planetenbodden upnimmp. Disse FCs wörden van dat Max-Planck-Institut för Sünnensystemforschkung (MPS) in Kathlenburg-Lindau bawed. Dorbi warkde dat MPS mit dat DLR-Institut för Planetenforschkung tausaome.

Ünner disse Links finnt man noch mehr (up englischk):

Spektrometer för sichtboret Lecht un Infrarot (VIR)


Bild: NASA/JPL/INAF/ASI

Nimmp den heelen Bodden van Ceres un van Vesta mit dit Spektrometer up. Dorbi werd dei Intensität van dat trüggestraohlte Lecht mit utsöchte Wellenlängten mäten. So kann man Tausaomesetten, Temperatur un Eigenschkupen rutfinnen. Bawen dö dit dat Nationaol-Astrophysik-Institut (INAF).

Ünner disse Links finnt man noch mehr (up englischk):

Gamma-Straohlen- un Neutronen-Detektor (GRaND)


Bild: UCLA

Stellt Korten van dei funnen Elemente up den Bodden van jeden Asteroid her, mit inschlaoten dat Upträen van dei wichtigen Steinbildungselemente (O, Mg, Al, Si, Ti un Fe), un dei Spauerelemente (Gd un Sm), dei langläben radioaktiven Elemente (K, Th un U) un dei lichteren Elemente as H, C un N (wichtig för dei Künne äöwer den iesigen Bodden van Ceres).

Ünner disse Links finnt man noch mehr (up englischk):

Gravitationsforschkung

Warket mit upnaohmen Audio-Signaole, dei trüggekaomt van den Bodden van Vesta un Ceres. (Audio heit hier: Feldsignaole werd as Tonsignaole affspält.) Dormit bestimmt man ehre Masse, dat Gravitionsfeld, dei Hauptassen, dei Rotationsassen un dei Trägheitsmomente.

Ünner disse Links finnt man noch mehr (up englischk):


Text nao: Nasa-Vörlaogen
Südollnborger Platt: Ludgerd Lüske, 15.03.2015


na baven