Universum — wat wi market un wat nich


Twei Väögels ut use Welt vertellt sick wat (singt sick wat). Sei seiht aower baoben den düstern Vaogel (maoket ut düster Materie) nich. Man wenn dei düster Vaogel affschaoten wörd, denn wörd dei Taug, up den hei sitt, ein Stück nao baoben flitzen. Dat kunnen dei lüttken Väögels vellicht an ein Gravitationsännern in den Boom marken un sick wunnern.


Ludgerd Lüske: XY-Opteris. Klick op to'n Vergröttern!

de vagels weet, wat se nich seht:
de worm krüppt in de eer.
meten an dat, wat wi nich weet,
sünd wi ok worms, nich mehr;
wi kruupt in'n krink dör uns tohuus,
bit een den annern fritt.
allns buten schient uns gruun un gruus,
de uns in ängsten smitt.
meten an dat, wat wi nich weet,
sind wi all all un een;
ik sülvst bloots föhl den ünnerscheed,
minsch oder worm to ween.
wenn mi de vagel freten hett,
verstah ik sünner plie
den geist vun dat natuurgesett —
en dunkle energie.


Bild: Ludgerd Lüske
Vers: Marlou Lessing

26.04.2019


trüch


na baven


na't Flack

na de Startsiet