Winterwunnerland

Text: Addi Kahl, na R.B. Smith
Melodie: Felix Bernard


 

Glockenlüden ut de Feern,
hooch an Heven glinstern Steern,
keeneen Minsch wiet un breet,
bloot wi sünd to Tweet,
wannert dörch denn witten Winterwald.

Snee un Ies hört man gnistern
un wi ganz liesen an ’t swistern,
un föhl’n uns op’nmaal
as Greten un Hans totaal
un wannert dörch denn witten Winterwald.

Sachen, sachen fallt de witten Flocken.
Een Reh pedd ut sien Heegholt kort rut.
Brummelbrune Ogen kiekt verschraken;
is di Wald to koolt, komm mit na Huus.

An ’n warm Kamin kannst bi uns slapen,
op uns Muschikatt villicht dor drapen,
un deelst denn Platz mit ehr,
as wenn ’t all jümmers so weer,
un buten fallt de Flocken sachen mehr.

Liesen, liesen fallt de witten Flocken.
Een Reh pedd ut sien Heegholt kort rut.
Brummelbrune Ogen kiekt verschraken;
ist di de Wald to koolt, komm mit na Huus.

An warm Kamin kannst du denn slapen,
op uns Muschikatt villicht dor drapen,
un deelst denn Platz mit ehr,
as wenn ’t all jümmers so weer,
un buten fallt de Flocken sachen mehr.

 
Biller: ML, Marita Pollak, Elke T. Weißleder
12.12.2017

trüch


na baven


na't Flack

na de Startsiet