Drüppenspeel

verlaren güng de grote plaan.
de welt flüggt ut de kurv.
de minsch hett wedder nix bi daan,
de minsch hett nichmal wat vun ahnt,
dat anner leven sturv.

wi weet, dat wi de opper sünd.
bloots dorüm hett dat weert.
solang dat bloots de annern sünd,
solang wi bloots de deders sünd,
gifft nüms, de sik an kehrt.

inferno stellt sik vör uns hen.
dat hebbt wi nich verdeent!
wi mööt uns ännern. dat's dat enn!
— de welt nimmt bloots en lütte wenn.
se hett so wenig dorop acht
as wi maleis, wat dor een lacht
orr wat wi sülven weent.

Atenluft

Inferno

---

Papierland

een wenen oog, een lesen oog;
en biestergahn, en fademtoog —
du leest un leest un warrst nich klook.
holl inne, finn din sprook:
denn allens, wat du lesen hest,
weer lerrig, witt papeer.
dat is so lang nich her,
un du verstünnst dat allerbest.
nu segg, wat du dor funnen hest
un schriff dat dal — in witt op witt.
du weetst dat al, de sinn kümmt mit!
papeer hest du genoog.

---