 |
Dat Osterei
Heinrich Hoffmann von Fallersleben (1798-1874)
Hei, juchhei! Kååmt all hertau!
Söökt wi dat Osterei!
Jümmertau, hier un dor un an elkeen' Oort!
Is dat ok gaud versteckt, endlich ward't doch entdeckt.
Hier een Ein, dor een Ei!
Bald sünd't twei un drei!
Wokeen nich blind, de gewinnt een schöön' Fund swind.
Eier blaag, rood un gries kååmt bald vörtooch.
Un ik segg't, dat blifft dorbi, giern söök ik een Osterei.
Keen Ding so minn, sülfst keen Pfifferling.
|
|
Ostern
Johann Meyer
(*5. Januar 1829 in Wilster; †15. Oktober 1904 in Kiel)
Kreegst ock din Deel an Sorg un Leid,
Un swunn din Dag' in Trurigkeit,
Seeg ni so düster, ni so swart.
Dar kummt en Tid, wo't anners ward!
Un gung di ock dat Leevst' all fort,
Dat Leevst' all dör' de Karkhoffport,
O, ween man nich un drög de Tran,
Denn wedder kummt, mat slapen gahn!
Süh, buten is't keen Winter mehr.
De gollen Sünnschien weckt de Eer,
Un wat dar deep in'n Düstern slöppt,
Steiht wedder op, wenn't Vörjahr röppt.
De Vageln singt, — dat Holt ward grön.
De lüttjen Blom fangt an to blöh'n,
O, wat en Tid! De allerbest'!
Un't schönste Fest is't Osterfest!
Magst du ock glöben, wat du wullt, —
Din Sünn is grot, un swar din Schuld, —
Un wat büst du mit di alleen? —
Wa kreegst du ock vun't Graff den Steen?
O, freu di man, dat't Ostern ist!
Keen annern gifft't, als Jesus Christ!
Keen anner geev, wat he uns geev,
So'n Lebn! so'n Dod! so'n Lehr! so'n Leev!
|
|
|
|
De Süün, de stiggt in Osten up,
de Osterhaas beginnt den Loop.
Üm sienen Korv vull Eier sitten
drei lütte Hasen, de ehr Ohren spitzen.
De Osterhaas bringt jüst een Ei —
dor flüggt de Sommervågel herto.
Dor achter strahlt de blage See
mit Sandstrand vörn un rundümrund.
De Osterhaas is even fardig,
dor kümmt de Kurdi bannig niegelnieglich!
Un de Lütt findt — een, twei, drei —
een rood, een blaag, een lila Ei.
Een Ei in elkeen Blööt versteckt!
Seiht, seiht sülfst hier, sülfst dor sünd welk!
Mööd vun de vele Säukerie un Morgensünn
slöppt Kurdi in up de warme Wisch.
De Glocken lüden bim, bam, baum
un Kurdi smüüstert zoort in sien' Droom.
Di di didi dum dei,
wi danzt mit unse Hasen, ümfååt, twei un twei,
up scheunen, gräunen Rasen.
Christian Morgenstern
|
