Notizen ut'n Märzmaand 2016. Biller un Texte

Notizen ut'n Märzmaand
düütschland reet de sieden weg, blifft nich guld noch swatt. puttegaal! dat rode hatt höllt den ganzen kraam tosaam un erfüllt sien zweck.
noch en memento ik wull wat lustigs schrieven, man kann dat doch nich laten: bloots diene hüll kunn blieven, de rest güng langs de straten ... dien hart weer holl, de rest wiest lächerlich en bloom ... mit holl hart pokerface — so geiht dat minsch un boom.
de sünn geiht ünner, wulk geiht op un hett ehr egen strahlen, de fröhsaat in ehr guld un gröön lebennig antomalen.

Fotos un Texte: Marlou Lessing mehr dorvun: hier Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop. Marlou Lessing