Notizen ut'n Braakmaand


keen rankamen

de sünnschien weer din brede straat,
de duft din leit. he föhr di graad
na't zentrum vun den söötsten ruuch...
nu sühst du: allens weer bedrugg.
nix kriggst du, wat den hunger stillt,
de roos is bloots en unnütt bild,
vun blatt un ruuch hett se to veel,
de hummel kümmt nich an ehr teel.
se flüggt davun. un ahn bestöven
is vun de roos ok nix mehr bleven.



Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet