de sneeluft maakt
de evenen dörsichtig,
brüchig de bööm,
staffelt dat land in schichten op.
dat licht is flüchtig, man
mutt blieven. —
de junglü kiekt in siede deepde,
schuuvt de grote pütt frie,
striedschohlopen — en deel
vun kuliss för en schauspeel ahn wöör.

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing