Notizen ut'n Christmaand



Foto Anke Nissen. Klick op to'n Vergröttern!

De lütte Sneemadam, se danzt,
se danzt in swingen Fleten,
in droomverlaren Arroganz,
vun alle Welt vergeten —
man se vergitt de Welt nich, nee,
vergitt nich Stand un Rang,
se seggt: "Nu kiekt eis! Ik bün de!"
Un böört ehr Nees recht in de Höh —
man denn faat ehr de Klang
un Rhythmus an, se kann, se kann
nich anners, denn — wat weiht ehr an?
En lütte Danz vun Sünn un Warms
un Feernweh is't — se heevt de Arms —:

Underneath the mango tree
Me honey and me can sit hand in hand ...
Underneath the mango tree
Me honey and I can make fairyland ...


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet