Notizen ut'n Christmaand 2007. Biller un Texte

Notizen ut'n Christmaand
in gedanken reckt boom na den süsterboom wiet över gröne matten: gedanke warrt droom, gedanke deckt de trennung as en schatten.
laokoon-boom langsamste noot, hooch opreckte ünnergang: en sachte kurv vun pien wiest na'n heven, man dal treckt dat lichtste verdarven, dat sachtste wörgen, de binnerste fiend.

töven op't christkind lies neigt sik toorn un wichelboom enanner to — de letzte schridd vun minschenfööt warrt still. nu luustert toorn un wichelboom: nu warrt dat wiehnachten, nu kaam! nu, christkind, kaam, un bring nix mit as di! du maakst dat hill.
wat predigst? armoot? frohe bott? kehrst di na mi? höörst ok mal to? un in de anner richt, na't slott? wat predigst dahen? — so, as dat lütt fleegtüüch, flügg ik weg, achter din rügg.
Fotos un Texte: Marlou Lessing mehr dorvun: hier Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop. Marlou Lessing