Notizen ut'n Aarnmaand

warm rood,
ruug un week, utbleken vun wind,
sommerrood,
rood vun hüsung un obdack —

rood, dat seggt: hier
büst du tohuus.

so smuck heevt sik witt
af vun di,
so schöön dat gröön.

du warme steen
as narmsnich een
so sacht, begröttst du mi ·
dien milde toon
dien tradischoon
seggt mi: wi sünd bi di.

dien foorm so slicht
ut eer un licht
röögt sachten miene hand ·
allns, wat du buust,
is mi tohuus
un seggt: hier is dien land.