Notizen ut'n Aarnmaand

harlekin-acker

hier baven jaagt sik nacht un dag,
nerrn töövt en welt vun sand.
bloots op de dünne huut vun land,
prekär, kannst leven. süh:
de acker hett dat lang erkannt,
helldüüster speelt he slag üm slag
en sachte parodie.

insel in sicht

wulkensee, schaddensee, meere vun land,
wesseln un welln un de richt nich bekannt —
wellenbarg, wellendaal, deepden vun sand —
wulkenboom, schaddenboom, laat mi an land!