Karl Binder un Pyrmont

vun Ludgerd Lüske

Sei käönt dei Aquarelle mit'n Anklick vergröttern. Trügge geiht dat denn mit den Zurück-Knoop (Trügg-Knoop) in den Browser (Bruuser).

Pyrmont-Aquarell-Postkoort van Karl Binder

Karl Binder

In'n Pyrmonter Verlag ACM Agentur wörden nu veier neie Postkorten van den Maoler Karl Binder (67) mit Motive ut dei Kurstadt rutgäben. All van siene Jugend an hett sik Binder mit dei Maolerei befaotet, wobi sien Vaoder sien eierste Lehrmeester was. Dei Vörbiller wören dei grooten Meesters van'n Impressionismus un dei Romantik. Hei sülves maolt in Ölje, Acryl un Aquarell-Technik. Siet 1990 is dat Wark van Binder — hei lehrde dat Utstaffeiern van Schaufensters — in wisse Galerien verträen un einkelne Arbeiten wörden in Bäuker un uk up Postkorten rutbröcht. Dortau hört nu uk disse neien Motive van den Afloop van't Läben. Dortau find man ein grootet Kunstwark van Goertz in Bad Pyrmont. Dei beiden annern Postkorten wieset dat Pyrmonter Schlott mit Brüggen un Graft un den Pyrmonter Kurpark mit ein düütlik anleggtet Farvspill.

Pyrmont-Aquarell-Postkoort van Karl Binder

Motiv van Goertz:
Van dei Geburt an
bit tau't Öller
wiest ein Waoterloop
den Weg för't Läben.

Das Alter

Das Alter ist ein höflich' Mann:
Einmal über's andre klopft er an;
Aber nun sagt niemand: "Herein!"
Und vor der Türe will er nicht sein.
Da klinkt er auf, tritt ein so schnell,
Und nun heißt's, er sei ein grober Gesell.

J.W. Goethe

Dat Öller

Dat Öller is'n sachten Mann:
Ein of anner Maol kloppt hei an;
Un nu segg nümms: "Kum in!"
Butsiet Dörn is nich sien' Sinn.
So klinket hei sik in, heel kort of,
Un nu segg man, is hei doch groff.

Südollnborger Platt: Ludgerd Lüske

Aquarell-Postkoort van Karl Binder

Foto Skulptur & Repro: Lüske

17.1.2012