Hoochwater

 

dat moor steiht ünner wader
blenkern schöön
apen vör mi
as in droom

ik will hen na dat licht
vör mi liggt de weg
heel liekut
laadt mi in
as in droom

op den graden weg
heel liekut
suugt dat moor mi op
mit swore, swatte hannen
ik kaam
un kaam
nich wieder
as in droom

ik verklaam
un kann mi nich
bewegen
as in'n droom

un denn
kümmt dat licht
to mi
un küsst mi waak

as in'n droom.



Foto: Thomas Seemann. Klick op to'n Vergröttern!
Verse: Marlou Lessing

22.2.2022

trüch


na baven


na't Flack

na de Startsiet