Country
up Platt: Hermann Lammers Meyer (HLM)
van Ludgerd Lüske
Äöver 35 Joahr lang kann man üm up musikaolschke Bühnen
beläven. Hei is woll ein'n van dei meist beneumten düütschken
Country-Singers. Up siene eigen Oart bring hei nich blots Läben
in dei Country- und Musikfestivals in Europa, sünnern uk in Amerikao,
wo dei Hillbilly Music tau Huus is, mangers allein of mit siene Band
The Emsland Hillbillies.
Äöver dei Joahre weg is hei bi siene Musikoart bläben,
dat is dei traditschionelle Country Music,
so sehg hei dat ümmer, aover af un tau krigg sien Programm 'ne
Portschion Rock un'n Barg Spaoß bi't Interpreteiern. Et giff nich
blots Traditionals as "Truck Driving Man", siene Fans bütt
hei ümmer wedder eigen neiet Warks van siene CDs an, un mangers
uk Stücke in düütschke Spraoke so as "Bauer Barnes
Mühle". Dat plattdüütschke Leed "Marie, o Maria"
kööm bie Dreiharbeiten bi'n NDR-Fernseihn taustanne. Dortau
höört uk dei Erfolgstitel "Liebe Mama" up dei eiersten
LP van dei "Emsländer", dat Ex-Rattle Achim Reichel 1976
för Metronome Schallplaoten produzeert hett.
Marie, oh Maria
Text Hermann Lammers Meyer, Musik H.Lammers Meyer/L.Williams
Tau'n Anhören hier klicken:
|
|
An dei anner Kant van't Waoter waohnt dei Schlüüsenmeesters
Dochter,
Dat mojste Wicht van Bollingerfähr.
Sei wacht noch up'n Freier, moj as Hermann Lammers Meyer,
dei sei ruthaolt in dei groote wiede Welt.
Dei wietste Weg för her was Heede, Dörpen, Walchum
un uk Rhede:
Aber Dag und Nacht dröömt sei van Askendörp.
Ik wull so gerne mit her läben, aber nee, her Vaoder is dor
tägen.
Wenn hei mi süht dreiht hei dei Schlüüsenbrügge
hoch.
Marie, oh Maria, wenn ik di man harr.
Worümm waohnst du up 'ne Insel in'e Ems?
Wi kunnen us so gaut verdraogen, aber nee, dien Vaoder maokt us
Sorgen.
Dei Brügge, dei uns trennt, is alltied hoch.
Ik hebb kien Paddelboot, nee, wi kriegt dat nich in't Loot,
un ik sing för di den Ems Insel Blues,
un so schall dat woll immer blieben, lieben käönt wi
us nur van Wieden
jao, dortüsken ligg de Ems in't Aobendroot.
Marie, oh Maria, ...
|
|
Up läöter kaomen CDs, in't Mauderland van dei Country-Sounds
upnaohmen, süng Hermann 'ne Riege Duette, tausaome mit Billy Walker,
Sandy Posey, Willie Nelson, Norma Jean of mit Johnny Cash. Dortau köömen
Radiohits, siene Neiupnaohmen van Ray Davis, "Death Of A Clown",
of van Joe South, "Games People Play".
Eine Riege Fernseihuptritte bi dei ARD, dat ZDF, bi RTL, dei nederländschke
TROS, eine Live-Show bi't Lettischke Fernseihn in Riga, dei Uptritt
van HLM in den internatschionaol utstraohlten "Musikantenstadel"
van Karl Moik mööken dissen besünnern Countrysänger
all wat bekannt. Wiss van Bedüüden wörn uk 3 Live-Gastspille
van Herman The German bi dei WSM Midnight-Jamboree Radioshow
ut Nashville, Tennessee (ut dat Ernest Tubb Recordshop Theatre),
dei bi eine Sendung up 40 Millionen Tauhörers kump.
Hey, Hey Trucker Lady
Text Gerd Jansen (Platt: Ludgerd Lüske), Musik H.Lammers
Meyer
Tau'n Anhören hier klicken:
|
|
Sei drägg knallenge Jeans un lett rech gaut.
Dei rechte Typ, dei fähld' ehr noch, so güng ik up ehr
tau,
fröög wat sei wull. Sei sä: "Bestell 'n Whisky
pur,
gaoh nao dei Juke-Box un drück 'n mojen Song."
Dei Fru is tau bewunnern för jedein Wort,
för alls wat sei so maokt.
Ick fraog: "Draff ik Di woll wedderseihn?"
lachen meent sei: "Wenn Du wullt,
man tau Huus bün ick up dei Autobahn."
Sei stüürt den Asphalt-Elefant, bit dei Foahrtenschriever
ehr an't Staohn krigg.
Dei Fru is tau bewunnern för alls wat sei wunnerboar vertellt.
Hey, hey Trucker Lady du deis alltiet wat'm kann,
warkst di dör, dör jedein Stau, lüttke Truckerfrau
up diene Autobaohn. Hey, hey Trucker Lady,
du brings mi weust in'n Gang.
Du büs so frischk un anners, glööv mi wenn ik segg:
"Nu feuhl ik mi as Mann."
Sei drägg knallenge Jeans un lett rech gaut.
Man Fründe in't Truckerland, van Flensborg bit nao Iserlohn
paßt up, kiekt för mi ümtau, seukt nao Lippenstift
un Dieselrook,
un dann vertellt mi dör't Radio, wor ik mien'n Droom up Rööre
draopen kann.
Hey, hey Trucker Lady du deis alltiet wat'm kann,
warks di dör, dör jedein Stau, lüttke Truckerfrau
up diene Autobaohn.
Hey, hey Trucker Lady, du brings mi weust in'n Gang,
du büs so frischk un anners, glööv mi, wenn ik
segg: "Nu feuhl ik mi as Mann."
|
|
Uk as Leedschriever werd HLM tau Tied schätzet. So wörd sien
düütschket Leed "Sie tanzt allein" van den Schlaogerstar
Michael Holm nei för den siene neie CD upnaohmen. Anna Larsen hett
et uk as eine recht interessante Swing Version rutbröcht. Larry
Schuba, Baos van dei Band Western Union, äövernöhm
den HLM-Titel "The Drink" as "Der Drink", dat is
eine Nr. 1 in den MDR Super Country 10.
2008 wörd HLM siene CD "Yesterday Once More" as Europäischket
Country Album van dat Joahr" van dei EMCA in Madrid utsöcht.
HLM wörd uk noch as dei beste Europäischke Country-Radio-DJ
ehrt (tau'n Lustern: www.twangtownusa.com,
Clip 12 = Hour #12). Sien aktuellet Album "1961-A Love Song"
is uk unner dei Radio Airplay Hits, so uk Hermann siene besünnere
Version van den Beatles-Hit "What Goes On"; dat Leed was drei
Wäken lang dei Nr. 1 bi dei Europäischken Country-Hits bi
www.europeancma.com
in Madrid.
Eva
Text (Südollenborger Platt) Ludgerd Lüske, Musik H.Lammers
Meyer
Tau'n Anhören hier klicken:
|
Tour ist vorbei, hab jetzt erst mal frei, kaputt und ausgebrannt.
Endlich auf meinem Sofa nen Drink in meiner Hand.
Fanpost der vergangenen Woche türmt sich auf vor mir.
Ich las sie dann völlig gebannt, den Brief Nummer fünf:
Ich hab Dich und Deine Band gesehen ich fand toll was ihr so macht.
Auf dem Stadtfest in Jever, oh ich hab so gelacht.
Die Show war gut und witzig und ich liebte jedes Lied.
Nun hab ich an dich ne Bitte und ich hoffe Du verstehst.
Vierzig Jahre Oldenburg, ich lebte für mich selbst.
Mein Leben lief fast unbemerkt von dem Rest der Welt.
Freunde hab ich wenig und fand nie den richtigen Mann.
Niemand wird mich vermissen wie vom Wind verwehter Sand.
Die Ärzte sagen es sei ernst, es bleibt nur wenig Zeit.
So hier nun meine Bitte daß etwas von mir bleibt.
Bitte schreib meinen Namen in ein neues Lied von Dir.
Er soll der Welt nur sagen: ich habe existiert. Liebe Grüße:
Eva Bernd.
Eva, ich hab dich nie gekannt und es wird nicht mehr geschehn.
Ein Mensch in der Menge, ich hab dich nicht gesehn.
Aber hier in diesem Lied erzähl ich daß es dich gab
und du jetzt in diesen Zeilen lebst.
Ich hoffe du hörst es, wo immer du bist.
Eva!
|
Dei Tour is vörbie, nu hebb ik ers eis frei, möje un
heller schluff.
Legg mi in mien Sofa un drink mi lütten Schluck.
Fanpost ut dei lesten Wäke, tornt sik up vör mi.
Dor läs ick denn arg mit Bedacht den Breif Nummer fief:
Ik hebb di un diene Band dor seihn, luster gern wat gi so maokt.
Up dei Stadtfier in Jever, oh ik hebb so mit jau lacht.
Dei Show was gaut un spaoßig un ik summde jeedet Leed.
Nu wull ik jau üm wat beeden un ik haope du versteihst.
Veiertig Joahr in Oldenbörg, dor lävde ik för mi
sülvs.
Mien Läben lööp so sinnig hen, aohn dei annern
Welt.
Frünnen hebb ik wenig un fünd nich den rechten Keerl.
Kienein'n deiht mi vermissen in den Wind driev ik as Sand.
Dei Dokter segg mit Di is't leip, bliff blots ne korte Tied.
So muß Du mi nu helpen dat'n beeten van mi bliff.
Schriev eis mienen Naomen in ein neiet Leed van di.
Schall in dei Welt vertellen: ik hebb mit jau lävt. Greut
jau: Eva Bernd.
Eva, ik hebb di goar nich kennt un et werd uk nich so wän.
Allein ünner all' dei Lüe, ik hebb di dor nich seihn.
Aover hier in disset Leed vertell ik dat et di geev
un du nu in disse Riemels lävs.
Ik haope, du hörs dat, wor immer du büs.
Eva!
|
|
Jüs is hei ut Amerikao mit eine neibrennte CD trüggekaomen,
wo hei in'n März in dei Show van sienen gauen Fründ Johnny
Bush, den "King Of Texas Music", bi dat traditschionelle Houston
Rodeo einen heel grooten Uptritt in dat Astrodome in Houston harr.
|