Sünnenunnergang


An dei Ünnerkante
van dat Wulkendauk
hang dei Sünne as'n
purpurfarwen Kuller.
Sachte treckt ehr
dei gulden Last
up dei Eern tau,
bit dei bunten Gliemen
achter dat rotupglemmen Gries
van dei Kimmen kaomt.

Utrullt is
dei gewaltige Vörhang.
Dei deipblawe Grund,
neern mit lüchten Farwen
wiet utleggt,
breck doräöwer
as groote Plaone weg,
sünig mit rotwern
Wulkenlüchtband dörwarket
un mit sülwern Sternkes
glemmig besettet.
Ut glemmen Stäen
seih ick dat Bild
van eine schlaopen Sphinx
as Kunstwark sticket.

As Ankerkuller
ligg dei Sünne in't Meer.
Dat induuken Dauk,
schwor un natt,
sackt achter dei Kimmen.
Dei Farwen bleiket,
sachte utwaschket.
Un bolde straohlt
van den Häwen up'e Eern
blots noch
dei deipe, satte Ton
ut blawschwarte Siede.


Fotos: Ludgerd Lüske
Text: Ludgerd Lüske, nao Christian Morgenstern
22.10.2017

trüch


na baven


na't Flack

na de Startsiet