Wannern dör'n Harwstbuschk

Up den Wannerweg in'n bunten Woold
hätt dei Harwst mit moje Farwen maolt.
Guldige Blöre mit Rot un Bruun inklöört,
hier in'n Buschk wi den Harwstwind höört.
Dorbi danzt dei Harwst mit Sünnendaoge,
packt up den Weg eine bunte Laoge.
Ein dumpet Russeln gifft't bi jeden Tratt,
wi feuhlt, et hätt maol Warmte hatt.
Dör Looflöcker schinnt dei Sünne daol,
bi't Spazeiern maokt wi denn Verhaol.
Vergaiht dei Dag at sachte Näwelnacht,
hollt versäken all dei kolde Winter wacht.