Bild: Ludgerd Lüske. Klick op to'n Vergröttern!

Den Bargmann siene Kauh

Wenn ick eine Zäge seih, denk ick an Bücksens, dei tweien,
un as Dank för jedet Mäh mag ick ehr den Bort dörkleien.

In Freden frett dei Bargmannkauh unner’t Sülwerbarkenstämmken.
Geef us Melk un noch dortau üm dei Oostertied ein Lämmken.

Dei Karnickels, Düwkes, Aonten, Spreien, Lünkes, lütt un groot,
bringt mi ein mojet Ständken, süß dei Kaoter krigg den Ton in’t Loot.

Gefällig lutt dat weike Mäh. Heimatklänge daut mi seelig maoken.
Wenn ick eine Zäge seih, mutt ick nao ehr hen — sei straoken.