Maitied, Deel 5: Annere Deerten

Texte för Kinner van Hildegard Tölke
 — Dat Platt is dei Tungslag van't Oldenburger Münsterland. —

Botterblaumen

An Wech un uppe Wisken
tüsken Kaihe un Hisken
blaiht — ganz väl,
dei Botterblaumen
goldgäl.
Straohlt dei Sünne an.
Aobends schlaopt sei dann.
Un sünd sei utblaiht,
dei Wind ehr weg waiht,
flaigt mit 'nen witten Fallschirm ganz wiet
uppe Wisken an dei änneren Siet.
Sett't sick weer daol uppe Ern.

Botterblaumen, ick häbb di so gern!

Wech = Weg
Wisken = Wiese, Weide
Hisken = Fohlen
Kaihe = Kühe

Näöms seuken för dat Veih

Haohn, Goos, Perd, Schwien,
Hauhn, Fisk, Kninken, Zäge,
Katteker, Duwe, Schlange, Hund,
Schaop, Kauh, Äsel


Bingo!

1. Schneide die Wörter aus!
2. Klebe in jedes Kästchen ein Wort!
3. Das Spiel geht los! Belege das genannte Wort!

Wecker taueierste näbeneinanner off ünnereinanner off diagonal veier in eine Riege häff, draff luut ropen: Bingo! Hei oder sei is dei eierste Bingo-Sieger.

Perd
Schaop
Sünnenvaogel
Hiesken
Hunnewupp
Katteker
Hoase
Kaninken
Kalw
Äsel
Tuunägel
Draußel
Quäksterd
Pogge
Duuwe
Fisk

Perd Schaop Kauh Sünnenvaogel
Hiesken Hunnewupp Katteker
Haose Kaninken Kalw Äsel
Tuunägel Draußel
Quäksterd Pogge Duuwe

Katteker

"Katteker, du Racker, wor bis du doch bläwen?
Ick will di doch jüst eine Haoselnaot gäwen!"
"Nee!", segg dei, "ick fräte nich ut diene Hand,
denn weiß du, ick bin ja van hogen Stand."
"Och, spring doch herünner, dann will ick di straoken,
du schaß mit mi spälen un Männekes maoken!"
"Ick maok miene Männkes hier imner dei Bäuken
un hüppke glicks wieder, üm Eckeln tau seuken.
Woll kiekt miene Kinner ut't Est all nao buten,
seiht mi intaumeute mit schmachtige Schnuuten."
"Katteker, ick timmer di'n Hüsken ut Holt,
so warm un so düllig, wenn't buten uck kolt.
Dor kanns du in wiegeln un springen in't Rad,
un Twieback un Näöte, dei hess du dann satt."
"Wat nützt mi dei Näöte, wat helpt mi dat Huus?
Ick kann nich mehr springen in Wind un Gebruus.
Dat Est, worin miene Kinner upwasst,
is warmer för mi as dei schönste Palast!"

Hubert Burwinkel

Katteker = Eichhörnchen
Haoselnaot = Haselnuss
düllig = windgeschützt, behaglich

Ler utwennig, wat dei Katteker sägg!

Wat is bi us dat schön
Weise: Die Affen rasen durch den Wald
Text: Hildegard Tölke

 

 

1.
Vandaoge singt wi jau wat vör,
us Plattdütsch sett't sick wedder dör.
Dat maokt us aale masse Spaoß.
Mit Plattdütsch wess du klauk,
mit Plattdütsch bis du klauk,
dat is nu all siet duusend Johr.

2.
Dei Kinner sünd aaltied gaut drupp,
sei kennt uck noch den Hunnewupp.
Hei läwt in usen grooten Gorn.
Wat is bi us dat schön,
wat is bi us dat schön,
wat is bis us dat aaltied schön!

3.
Dei Häuhner gackert vör dei Dörn,
sei seukt sick blot dei dicken Körn
un leggt us Eier in ehr Est
Wat is bi us dat schön...

4.
Dei Peere up dei Wisken springt,
dat Hiesken van dei Stute drinkt,
dei Draußel vör dei Näendörn sing:
Wat is bi us dat schön...

5.
Dör't Holte löpp ein Paddkewech,
Katteker dor dei Eckeln söch,
ick üm so gerne straoken möch.
Wat is bis us dat schön...

6.
Dei Kessbeernboom hang druubelvull,
dei Draußel dei nich häbben schull,
Mama wüdd dorbi faoken dull.
Wat is bi us dat schön...

 

7.
Äöwern Tuhn dei Blaumen blaiht.
In Gorn häbbt wi dei Wuddeln saiht,
un kiek eis wat dor aals nu wasst.
Wat is bi us dat schön...

8.
In Fräuhjohr wedd dat Land ümpläugt,
Möwen dat van wieten seiht
dei beiden Störke sünd d'r wer.
Wat is bis us dat schön...

9
Hier giff dat kiene dicke Luft
aff im tau maol Gülleduft,
dei Wind waiht wiet üm use Huus.
Wat is bi us dat schön...

10.
Raps lücht wiet so gollengäl,
Sünnenväögel fleigt im spält,
dei Mais staiht up'n Lan' stramm un hoch.
Wat is bis us dat schön...

11.
In Winter liedt wi kiene Not,
dann ät wi Prütt mit Punkelbrot
un Pinkel, Greunkohl mit väl Wust.
Wat is bi us dat schön...

12.
Nu willt gi wäten, wor ick waohn,
dor löpp uck noch 'ne Iesenbaohn,
Kiek rin, kumm her, beseuk us maol.
Wat is bi us dat schön...

Den Refrain kanns du ännern in:
Ick schnack nu platt mit di,
schnack du uck platt mit mi!
Översicht över de Deelen
8.6.2010


na baven