Teddy Niklaas

tau'n Niklaas-Dag vun Hanne Hinz


Kind:
Mien Teddybär, de tillfäut't so
un brummt den ganzen Dag!
Bether wier hei doch ümmer froh,
ob hei mi nich mihr mag?



Teddybär:
Ick mücht', ick wier de Niklaas,
mag nich mihr Teddy sien.
Ick steckte heimlich Bönger
in lütte Stäwel rin.
Ick wier maleins dien beste Fründ,
sitt hier allein verbaast.
Hest blot Computer-Spill in'n Kopp.
Ick ward' nu ein Niklaas.
Ick Teddybär brumm bannig dull,
wat du kannst, schaff ick ok.
Ick surfe dörch dat Internet,
dien Teddy is ok klok. —
De ganze Welt, de will ick seihn,
klick up de Mus mit Spaß.
Segg all' de Kinner: "Gauden Dag,
ick bün hier de Niklaas!"



Kind:
Du bliffst mien Fründ, mien Niklaas,
sast doch mien Teddy sien,
nu steck man heimlich Bönger
in lütte Stäwel rin.
Bliffst allmiendag' mien beste Fründ,
brumm dienen Arger rut.
Ick schenk di einen dicken Kuss
up dien säut' Niklaas-Snut.


5.12.2021


na baven