En Leed för Hanni Haas

Vun Matthias un Maja Zeißig,
plattdüütsch von Berthold Cordes

In Ostereistedt (wi seggt: Ostereist), en lütt Dörp in Neddersassen twüschen Hamborg un Bremen, in'e Merrn vun't Elv-Werser-Dreeangel, dor is Hanni, de Oosterhaas, tohuus. Dat een to Oostertied em dorhin ok Breven schrieven kann, heff ik jo al an anner Steed vertellt. Dat dat aver ok en Leed över em gifft, dat schöölt ji nu ok weten. Dat Lehrerehpoor Matthias un Maja Zeißig hett de Wöör, de Musik un en Video dorto maakt (to hören un to sehn hier bi Youtube). För all, de dat lever op Platt lesen oder singen müchen, heff ik dat hier noch mal översett:

Dor in'n Gras, wat is denn dat, wat is denn dat?
Dor in'n Gras liggt wat.
Kiek mal her, wer weer denn dat, wer weer denn dat?
Den kenn ik enerwegens vun her.

Weke lange Ohren un en söte Nees,
keeneen kriggt em so to sehn,
hoppelt jümmer wieder, hett soveel to maken,
heff em hüüt noch nich sehn.

Komm mal her, wi seukt na em, wi seukt na em!
Ik glööv, dat is gor nich swoor.
Schriev em mal en schönen Breef, en schönen Breef!
Dat dä em bannig woll frein.

Grote brune Ogen un twee witte Tähnen,
hebbt ji dissen Haas al mal sehn?
Hier bi uns in'n Norden, dor is sien Tohuus woll,
kommt, laat uns na em mal sehn!

Weke lange Ohren un en söte Nees,
hebbt ji dissen Haas al mal sehn?
Hoppelt jümmer wieder, hett soveel to maken,
Kommt, laat uns na em mal sehn!

Gelet Hemd un blaue Büx,
Poten sacht un resengroot,
leggt dormit ganz zoort un fien
Eier in't Moosnest rin.

Hanni, Hanni Haas, hier in Ostereistedt,
is de Kinner woll bekannt.
Hanni, Hanni Haas, hier in Ostereistedt
büst gern sehn in jedeen Land.

Hanni, Hanni Haas, hier in Ostereistedt,
is de Kinner woll bekannt.
Hanni, Hanni Haas, hier in Ostereistedt
büst gern sehn in jedeen Land.