Caspar vertellt:
Wedder na Huus!


 

 

 

 

I-AAH, I-AAH, I-AAH!


Leev Kinner, ik bün wedder dor!


Hüüt geiht dat na Huus!

 

 

Uns Wisch weer leer freten.
Wi müssen den Kopp al scheev leggen,
üm noch de letzten Büschel Gras to kriegen.

Toletzt weern blots noch Brennetteln up de Wisch!
To'n Glück güng dat na Huus.


Jümmer Brennetteln freten is keen Vergnögen, dat segg ik Ju!

 

Up den Nahuusweg leep ik de annern achterna!

Mööd güng ik neven Lisa her.

Endlich weer dat grote Door vun uns Tohuus in Sicht!

 

An dat groot Door steiht vun uns en lütt Evenbild, en Bronze-Esel.

 

Baben up den Hoffplatz keem uns en lütten Riedersmann in de Mööt.
Ganz stolt seet he up mien Vetter.
To geern wöör ik ok mal enen Riedersmann drägen!

Tohuus weer doch mehr los as up de Wisch!

 

 

Vör den Stall up den Hoffplatz müssen wi alltohoop uns Fööt vörwiesen.
Up de Wisch harrn wi uns veel Dreck mank de Hufe peert.

Lisa müss as Eerst ehr Fööt vörwiesen.


De ganze Dreck...

 

 

 

 

En Hölpsmann böör een na den annern Huf vun Lisa in de Höcht un kratz mit en scharp Mess den Dreck ut de Ritzen.

 

 

 

 


...warrt peu á peu...

 

 

 

 

 

An dat Mess weer noch en Böss.
Dormit wöör noch de letzte Dreck ut de Ritzen bösst.

 

 

 


...ruthaalt. Bitteschöön!

 

 

 

 

 

Wi kemen all an de Reeg.
Eerst mit reine Hufen dörven wi in unsen Stall!

 

Uns Öllern weern uns al lang wies worrn.
Se spitzen de Ohr'n un keken na uns ut.


Hallo Mama! Hallo Papa!

 

In unsen Stall begrööt uns Cäsar mit en luut I-AAAH!
He harr Spaaß, dat wi wedder dor weern.

 

Glieks kregen wi wat to'n Freten. Wi harrn ok al mächtig Hunger.
Dat würzige Heu smeckte uns mal wedder recht goot.

 

In de Tiet, as wi up de Wisch weern, weer noch en Eselkind up de Welt kamen!

Dat weer en lütt Deern mit den smucken Naam "Dornröschen".
Mit ehr Modder weer se in de Kinnerstuuv achter unsen Stall.

 

Moorn draap ik sachs mien Modder.
Se kann mi vertellen, wat sünst noch passeert is.

Ik bün na den langen Dag nu ornlich
wat mööd! Seker war ik in den warmen Stall goot slapen.

 

 


Ik segg Gode Nacht!

Juuch Caspar

 


Un hier warrt mien Geschicht vörleest:


Lesen deit Antje Heßler in holsteiner Platt.

 


2.8.2010


na baven