Caspar vertellt:
De düstere Droom


 

 

 

 

 

I-AAH, I-AAH, I-AAH!


Höört, juuch Caspar is wedder dor!

Ik weet noch, dat ik verleden Johr na den letzten Utfloog bannig mööd weer. Ik heff mi hinleggt un bün glieks inslapen.



Dor harr ik enen bösen Droom:
Ik harr mi verlopen! Ik weer ganz alleen
in enen düstern Woold.

Luut heff ik I-AAAH ropen.
Aver keeneen höör mi! Nich mal mien Modder.

Vör mi sehg ik en gräsig Gespenst in enen Boom!

 

En gries Deert slieker mank de Bööm un keem up mi to.

 

En luut Uhuu, Uhuu! un nochmaal Uhuu! reet mi batz ut den Slaap.

 

Ik reev mi verwunnert de Ogen. Ik leeg ja up unsen Speelplacken in de Sünn!

 

 

 

Mien Modder grien mi an un meen:
"Hest utslapen?
Nu gah man mit de annern to'n Spelen!"

 

Achter unsen Stall leeg för Kinnerbesöök en
Speelplacken. Wi lütten Esel dörfen bi goot Weder ok dorhin.

 

 

Up den Weg kemen wi ümmer an uns Evenbild ut Steen vörbi.
En lütt Eselfigur, de harr up beide Sieden enen Korv mit Blomen.


Up den Speelplacken hebbt wi denn allens genau ünnersöcht.

 

 

 

Mien Vetter hett sogoor mal de Holtbank
pröövt! He harr wull groten Hunger!

Wi annern hebbt uns lever över dat frische
Gras hermaakt! Dat smeckt beter as Holt.

Avends...


 

 

För hüüt segg ik eerstmal wedder Tschüüs!

Juuch Caspar

 


Un hier warrt min Geschicht vörleest:


Lesen deit Antje Heßler in holsteiner Platt.


Fotos un Text: Antje Heßler
Foto Geisterbark: L.Lüske
Foto Uhu: www.eulenwelt.de

Na Caspars Tohuus
Översicht över Caspars Vertelln

20.6.2010


na baven