Caspar vertellt:
Mama, Papa un noch mehr swatte un witte Deerten


 

 

 

 

 

I-AAH, I-AAH, I-AAH,

juuch Caspar is wedder dor!

 

Leve Kinner, hüüt stell ik juuch mien Öllern vör!

Mien Modder hebbt juuch al sehn.
Se heet Nicki un hett en swatt Fell.
Se is an'n 16.06.95 up de Welt kamen.

 

Un hier is mien Vadder.

He heet Schnick un is an'n 28.02.93 up de Welt kamen.

He hett en witt Fell.

Dat witte Fell heff ik vun em arvt!

 

So, nu güng ik aver wedder na buten.

 

 

 

 

Wat seet denn dor för'n groten swatten Vagel vör mi up den Rasen?

 

As ik neger keem, flöög he weg, sett sik
up de Latt un kreih luut: Kraah, kraah!
Dat weer ja en Kreih!

 

N'beten wieder lang keem ik
an en Stall. Dor keek en
lütt witte Zeeg rut.

 

Mit ehr fien un hoge Stimm reep se ganz jämmerlich na ehr Mama.

Se leep över den Rasen un söch un söch.


Endlich harr se ehr Mama funnen. Se harr Döss!

 

Dor kreeg ik Heimweh na mien Mama.
Ik harr ok al wedder Döss!

Wat meent juuch, wat dat smeckt hett!

 

 

 

Tschüüs bit to'n neegsten Mal!

Juuch Caspar

 


Un hier warrt min Geschicht vörleest:


Lesen deit Antje Heßler in holsteiner Platt.



13.5.2010


na baven