Wiehnachten 2009

Een Johr gifft dat anner de Hand.
Jüst noch weer Sommer över't Land,
een groote Sommer.
De Harvst farvt Bööm un Strüker.
Geel un root lüchten de Blãder vun'n spitzigen Ahorn.
Nevel krüppt ut de Wischen.
De meude Sünn verjagt ehm nich mihr.
Düüsternis leggt sik up Huus und Hoff.

Un wi vergahnes Johr merrnmank:
Maal en Snack över'n Tuhn,
denn hier orrer dor an'n Disch mit Maten un Frünnen,
höglich un nadenkern,
truurig mit de, de Plagen pieren
Dat vulle Minschenleven!

Nu glimmern aver Dusende vun Lichten
in Dannenbööm un Strüker vör de Dören,
ut veele Finster mellen Swibbagens:
Licht! Lichten in'e Nacht! Lichten in de Düüsternis.
In't Hart dat Höpen:
„Licht mutt wedder warden na disse düüstern Daag!“

Wat dat sik instelllen mucht,
baben in'n Heven,
up uns Eer un in uns Harten
so orrer so hüüt un morgen denn,
wo dat Johr “2010“ heit,
dat wünschen vun Harten
wi uns Lüüd, Navers, Maten un Frünnen,

elkeen Minschen mit sien Höpen und Sorgen.

De Maten vun Plattpartu.de


Wöör un Biller: Rudi Witzke
25.12.2009


na baven