Dat kannst mi glööven!
Brötchen haalen

vun Maike Wagenaar


To'n Anhören hier klicken:


Lesen deit Maike Wagenaar.


Sei wuss neit wau sei dat hat haar.

Sei wull doch eigentlich bloot eben naar dei Bakker ein poor Stuutjes haalen. Man up einmal wuss sei neit mehr, woor sei was. Sei was höör Weg kweit un funn sück neit meer taurecht. Door was Angst bi höör un sei was vertwiefelt. Sei was dei Pad doch al soo vaak gaan, woorum wus sei nu net meer woor langs? Sei wuur kwaad: wat sull dat heiten? Haaren dei hier aal umbaut?

Door kwam dei Jung dei Straat andaal. Hei haar ein anner Huudklöör und sei was sück neit seker, of sei bang wesen muss. Hei proode höör an: "Kann ich Ihnen helfen?"

Sei wull al nee seggen, man dann säh sei doch man "Ja! Ik weit mien Weg neit mehr, ik find neit mehr naar Huus." Dat dei jung Mann dann seih "Das is nicht schlimm, ich helfe Ihnen", dat haar sei neit verwacht. "Kommen Sie, wir gehen erst mal zum Bäcker hier um die Ecke und trinken einen Tee, dann können Sie sich beruhigen und dann finden wir eine Lösung."

Bi dei Backer wur sei heil fründelk begräut un futt fraagt, of sei höör Bollkes so as immer wull: Twei Weiken und ein Harten. Dei jung Mann skalt sofort un fraug dei Verkoopser, of sei wall wuss, waar dei Frau woonde. "Ja, natürlich, hier um die Ecke, im Birkenweg 21."

So trukken sei of, nei ohne dat hei dei Brötchen betaalde, un dei Frau achter dei Tresen skudele dei Kopp: "Wat ein roar Poor."

In dei Straat ankomen, sag dei Mann van wieden al ein jungerde Frau upgeregt dei Straa up un daal gaan. As sei dei twei dichter bi komen sach, kwam sei up sei daal. "Mama, woor bist du dann west? Ik heb mi Sörgen maakt. Du sallt doch neit mehr allein naar buten gaan!"

"Ik heb Brötchen haalt un dei nette Mann hier hett mi doorbi hulpen. Wie frühstücken nu tausamen", seh sei un keek dei Mann mit ein Knipoog an.



"Dat kannst mi glööven!" is eine plattdütschke Andachtriege in't Radio (NDR),
dei siet den 1. Advent 1953 staodig in't Programm staiht.
Tau Tied schriewet hierför rund 75 evangelschke un katholschke Theologen
staodig Andachten up unnerscheidlicket Nedderdütschet un
Oostfäölschket Platt. Sendet werd maondaogs bit freidaogs
üm 14.20 Uhr van NDR 1 Neddersassen.

Bi us up plattpartu.de finnt man nu utsöchte Bidräge van disse Radiosendung.


9.7.2017


na baven